Децата често ја изразуваат својата желба за нови работи, но понекогаш родителите не можат да ги исполнат овие желби од финансиски причини. Оваа ситуација може да доведе до тензии и расправии.

Ова е дилемата со која се соочил еден татко откако одбил да ѝ го купи на ќерка си најновиот „ајфон 15 макс про“, кој чини над 1.000 евра. Девојката поседувала постара верзија и барала нов смартфон, бидејќи сите нејзини пријатели имале. Битката започнала кога нејзиниот татко го предложил „ајфон 13“.

„Ќерка ми ми се налути и рече дека ѝ го уништувам животот и дека нејзината најдобра пријателка има ајфон 15 макс про“, споделил таткото во објава на платформата „Редит“.

AITA for ruining my daughters life
byu/Able_Text5286 inAITAH

Верувал дека „ајфон 13“ е добра опција, поради одличната камера и издржливоста на батеријата, додека девојката инсистирала на најновиот паметен телефон. Родителите ѝ рекле дека тоа е фрлање пари.

Илјадници луѓе го оставиле своето мислење во коментарите.

„Кој е овде родител? Не дозволувај ќерка ти да те обвинува за ништо, ајфон 13 е сепак нов и добар телефон”, напишал еден корисник.

Друг се пошегувал:

-Ако никогаш не сте слушнале дете да каже: „Ми го уништуваш животот“, тогаш не ја вршите добро работата како родител.

Извор