Кога Гамзе Арслан, наставничка од Турција, сфатила дека нејзините ученици за време на пандемијата не можат да присуствуваат на онлајн-настава, го направила тоа што можела – почнала да ги посетува во нивните домови.

– Имаме интернет на училиште, но тешко е да се предава бидејќи семејствата често немаат интернет дома – вели таа.

– Сега предавам така што одам од врата до врата носејќи табла – вели Арслан.

Таа наредниот ден се враќа со нови задачи и за да се увери дека домашната работа е завршена, но секогаш внимава на физичко дистанцирање.

Арслан работи во областа Тушба, која се наоѓа во руралната провинција Ван, на крајниот исток на земјата.

– Воодушевени сме што имаме алтернатива во оваа невозможна ситуација. Нејзините постапки се вистински пример за пожртвуваност – вели Мехмет Бакир Бедевиогл, директор за образование во областа Тушба.

Повеќето земји во светот повторно ги отворија училиштата, а Турција планира да ги отвори на 21 септември.

Опозициските партии и независните медиуми веќе подолго време ја критикуваат власта поради недостигот на интернет во одредени области на Турција, истакнувајќи дека учениците поради тоа не можат да учат во текот на пандемијата.

Извор