Пред неколку децении, кога во аптеките сè уште не постоеја денешните брзи тестови за бременост, жените морале да бидат снаoдливи. Покрај очигледните знаци, како изостанокот на менструацијата и утринските мачнини, тие користеле и најразлични народни методи во домашни услови.

Иако денес овие методи се исклучиво за забава и не се медицински сигурни, интересно е да се прочита како тоа се правело некогаш:

Народни верувања и методи од минатото:

• Тест со бела паста за заби: Во сад се става малку обична, бела паста за заби и врз неа се истура првата утринска урина. Доколку пастата го промени својот состав и добие синкава нијанса или почнува да се прави пена, се верувало дека жената е бремена.
• Тест со белило (варикина): Во утринската урина се додава мала количина белило за алишта. Според народното верување, доколку почне да се создава пена и меурчиња, тоа било знак за бременост. (Напомена: поради штетните испарувања на белилото, оваа метода никогаш не треба да се испробува).
• Тест со свежи листови од глуварче: Ова се сметало за еден од попопуларните методи. Свежо набрани зелени листови од глуварче се потопуваат во утринската урина од 10 до 20 минути. Доколку на листовите се појават црвеникави точки, се сметало дека резултатот е позитивен.

Медицинската наука е единствениот точен одговор

Иако овие методи од минатото се интересни, нивната точност е целосно заснована на случајност и хемиски реакции на киселоста во урината, а не на присуството на хормонот за бременост (hCG).

Доколку се сомневате дека сте бремени, единствен сигурен и потврден начин се современите тестови, лабораториските анализи на крв и урина, како и гинеколошкиот преглед.

Извор