– Треба да погледнеме како нашето образование ги исполнува нашите студенти. Нашето образование е фундаментално скршено, бидејќи ние не ги учиме нашите студенти на уметноста да бидат креативни, не ги учиме нашите студенти да бидат имагинативни – вели Сорбоно Исак Бари, најмладиот професор во светот за време на неговото главно обраќање во Јоханесбург.

9-годишното момче минатата недела го доби признанието „Да Винчи лауреат“ на Институтот за технолошки менаџмент „Да Винчи“, заедно со јужноафриканскиот драматург Џон Кани. Ова следува по многу други признанија на младиот Бари, кои тој ги собира од 5-годишна возраст. Во интервју, Сорбоно Исак Бари споделува дека му е значајна поканата од Институтот „Да Винчи“.

– Ми значи многу, особено затоа што Институтот „Да Винчи“ е еден од најдобрите и најпрестижните универзитети во Јужна Африка. Јас лично сум привилегиран не само што ја добивам најголемата награда од таква почесна институција, туку и што можам да зборувам со толку прекрасни луѓе – рече Бари.

– Исто така, ми беше голема привилегија да дадам воведно обраќање на големите вредни доктори на науки – додаде тој.

Дури и во најтемните времиња, кога сте демотивирани и се оддалечувате од вашите соништа, можеби некој ќе го забележи вашиот талент

Професорот Бари сподели како го поминува денот:

– Мојот ден почнува со учење, па пауза играјќи игри како кошарка, шах или свирење на пијано со семејството, па потоа седнувам да размислам и сфаќам дека поминале два часа од последното учење, па потоа се враќам пак назад. Понекогаш има сериозни рокови, бидејќи имам работа што треба да ја завршам пред некој голем настан – вели 9-годишниот професор.

Бидејќи моментално е на училиште, а мора и да пишува домашни задачи и да биде во тек со работите, Бари вели дека престанал да се подготвува за интервјуа, бидејќи смета дека е непотребно. Кога станува збор за распоредот, Бари споделува два витални трикови:

– Подобар сон
– Не одложувајте ги задачите што имаат рок. Направете го тоа што е можно побрзо. За младите, Бари има порака.

– Запомнете дека треба да ги остварите вашите соништа. Мора да работите напорно за нив. Мора да ги замислувате. Мора да одвоите време за нив. Ако има нешто што можам да го кажам, тоа е да му верувате на процесот. Дури и во најтемните времиња, кога сте демотивирани и се оддалечувате од вашите соништа, можеби некој ќе го забележи вашиот талент. Запомнете што рече Нелсон Мандела: „Не судете ми според успесите, проценете ме според тоа колку пати сум паднал и повторно сум станал“ – додава Бари.

Во 2016 година Бари беше пофален од поранешниот претседател на САД, Барак Обама, за решавање задачи од математиката, физиката и хемијата на ниво на доктор на науки.

Малиот професор беше признаен како научник од Универзитетот „Харвард“ во 2018 година.

Во 2020 година Бари доби признание од гувернерот Ендрју Куомо од државата Њујорк за негов придонес во математиката и физиката, а ја доби и наградата „Глобално чудо од дете“ од нобеловецот Каилаш Стјарти.

Бари има и јутјуб-канал наречен „Bari Science Lab“ каде што споделува математички и научни туторијали и им предава на студенти на факултет.

Извор