Нежното родителство е прекрасен стил на воспитување – без викање, без казни, без драма… Но, постои еден голем проблем: тешко е да се дефинираат и да се постават некои граници, па всушност е многу полесно да се прават грешки кога одите по овој стил на воспитување.
Психологот Ализа Пресман ја објави книгата „5 принципи на родителството: Ваш суштински водич за воспитување добри луѓе“ и во него опишува како можат родителите да воспитаат отпорни и издржливи деца.
Еден од клучните чекори на патот до воспитувањето издржливи деца е саморегулацијата или способноста да се одговори на искуствата на начин кој е општествено прифатлив.
– Примарниот начин на кој доенчињата и децата учат да се саморегулираат е преку корегулација, која вклучува различни видови одговори, како што се топло присуство, потврда на лошо чувство и смирувачки тон на гласот, како и моделирање на сопствениот смирувачки процес – вели Ализа.
Ова е тоа што нежното родителство бара од родителите да го направат наместо да го караат вознемиреното и фрустрираното дете.
– Со споделување на нашето чувство на смиреност со нашите деца, полека ги учиме како да се регулираат кога ќе почувствуваат можна закана – вели психологот.
Важна е корегулацијата
Некои родители погрешно ја толкуваат корегулацијата како глумење среќа, вели Пресман, бидејќи веруваат дека децата не можат да се справат да го видат својот родител вознемирен или фрустриран. Сепак, ова може да ја поткопа самата цел на корегулацијата, а тоа е да им покажете на вашите деца дека дури и кога имате тешки, силни емоции, можете да останете смирени.
– Децата можат да се справат со нашите чувства сè додека разбираат дека знаеме како да се справиме со нашите чувства, дека нам не ни треба помош во управувањето со нашите чувства и дека без оглед на нашата ментална состојба, ние секогаш ги сакаме и се грижиме за нив – вели Пресман.
Сè на сè, наместо да ги закопаме нашите чувства, треба да разговараме за нив со нашето дете. Она што таа го советува е дека е добра идеја да се обидете да му кажете на вашето дете што ви се случува во моментот велејќи нешто како: – Изнервиран сум сега што ми е предизвик да се фокусирам на она што го правам. Дозволи ми да земам длабок здив и да видам дали можам да се вратам во состојба во која ќе можам да обрнам внимание на она што го правам.
912