„Ми го покажаа патот и ми донесоа неопислива среќа“ – Сандра Булок за мајчинството
Актерката Сандра Булок има неверојатна и емотивна приказна за тоа како станала мајка. Иако е мегаѕвезда, а нејзините филмови се меѓу најгледаните, таа немала многу среќа да најде животен партнер или потенцијален татко на своите деца. Покрај тоа, триесеттите години ги посветила на актерската кариера, иако, како што изјавила за магазинот „Пипл“, секогаш сонувала еден ден да стане мајка.
Бидејќи нејзиното мајчинство никогаш не било остварено биолошки, Сандра одлучила да го посвои своето прво дете во 2010 година, а второто во 2015 година. Во една епизода од поткастот „Ред Тејбл Ток“, 58-годишната актерка изјавила дека посвојувањето на нејзините деца било значајно и многу емотивно за неа. Имено, и за нејзиниот син Луис (12) и за ќерката Лајла (9) била известена дека се достапни за посвојување додека била на гробот на нејзината мајка, со која била многу поврзана и по чија смрт страдала долго време.
„Не знам зошто тоа беше единствениот пат, но мило ми е што универзумот ме натера да го чекам мајчинството. Толку многу сакав деца, но едноставно не функционираше на друг начин. И сега сум благодарна за тоа. За двете деца дознав на исто место, кога бев на гробот на мајка ми. Се чувствувам како мајка ми да ми ги донесе децата“, изјавила Сандра Булок за нејзината одлука да ги посвои Луис и Лајла.
Сега, како мајка, таа на својот голем актерски успех гледа сосема поинаку: „Иако бев успешна, дури кога Луис влезе во мојот живот сфатив дека ова е единствениот пат за мене, дека тоа е она што го чекам цел живот. Кога ми го дадоа, имаше само десет дена и ми го промени целиот живот. Ми донесе неопислива радост“.
Актерката објаснила дека нејзините деца дошле во најтешкиот период од нејзиниот живот и дека мајчинството ѝ помогнало да излезе од долгата и мрачна фаза. Со оглед на тоа што минувала многу време со нив, извесно време паузирала од снимањето, се повлекла од јавниот живот и целосно им се посветила на децата.
„Моите деца ми го покажаа патот“, заклучува Сандра Булок.
Автор: Сања Маташиќ
