Кога стануваме родители, тоа нѐ прави подобри луѓе. Понекогаш едноставно се менуваме, понекогаш буквално чувствуваме дека сме навистина подобри луѓе поради тие мали суштества, некогаш сме подобро друштво, понекогаш подобро ја работиме нашата работа. Но, секако сме подобри.
За ова е свесен и актерот Метју Меконахи, кој неодамна дал интервју за познатиот магазин „Пипл“. Имено, тој е една од 11. ѕвезди што ќе се појават на насловната страница на јубилејното издание на списанието, кое годинава слави 50 години. Во своето интервју Метју Меконахи, меѓу другото, изјавил дека неговите деца – Леви (15), Вида (14) и Ливингстон (11) го направиле подобар актер.
-Знам дека моите деца ме направија подобар уметник и подобар актер бидејќи децата секогаш ги гледаат работите првпат. Нивните прашања се невини. Станувам подобар раскажувач затоа што имам деца, што значи се враќам дома од работа со нешто како „вистински детектив“, а моето четиригодишно дете прашува: „Што работеше денес?“ Не можам да им кажам за што всушност се работи во серијата, не е соодветна за нивната возраст, па морам да им понудам приказна.
Токму така, смета овој наградуван актер, станал подобар раскажувач, кажувајќи им на децата некои од неговите приказни приспособени на нивната возраст.
-Така морав да станам подобар раскажувач за да им ја кажам на моите деца приказната за добриот, лошиот и за чудовиштето, за да им ја раскажам приказната во која бев на соодветен начин – објаснил Меконахи.
Тој е во брак со Камила Алвес Меконахи, со која има три деца, а кога се појавил на една насловна страница на „Пипл“, уште кога станал татко првпат, изјавил:
-Да се биде татко отсекогаш бил мојот сон.
Па таа изјава сега и ја потврдил. Во тоа издание, инаку, фотографиите за интервјуто ги направил неговиот најстар син Леви.
Како што растеле неговите деца и станувале посвесни за сè, Меконахи сфатил дека никогаш не работел на проект што тие би можеле да го гледаат додека се деца.
-Кога ќе станеш родител, што гледаш на крајот? На крајот го гледаш главно она што го гледаат твоите деца, па реков: „Човеку, никогаш не сум бил дел од анимиран филм“, а ми се допаѓа да го позајмувам гласот – објаснил тој.
Конечно, со мотивација на своите деца, Меконахи ја потпишал главната улога во анимираниот филм „Синг“ од 2016 година, во кој работел заедно со Рис Витерспун, Тарон Егертон, Скарлет Јохансон и Тори Кели.
-Децата мислеа дека тоа е навистина кул. Се сеќавам дека седев на премиерата со нив слушајќи ги како велат: „Еј, тоа звучи како…“ и тие го имаа овој момент кога гледаа во екранот и слушаа, а потоа ме погледнуваа мене како седам до нив, обидувајќи се да сфатат што се случува. Беше навистина одлично и тоа беше нешто што го направив баш за нив – и за детето во сите нас.
Инаку, Метју објави и сликовница која ги освои срцата на многумина, наречена „Зошто така“. Може да се види во форма на видео подолу.
Исто така, во ова интервју Меконахи се навратил на своето детство и открил каков совет би ѝ дал на помладата верзија од себе.
-О, не би му кажал ништо. Би го оставил да го сфати животот на ист начин како што постапив – рекол Меконахи.
Автор: Наташа Крстичевиќ
912