Кинеска медицинска сестра во болница каде што се третира коронавирусот ја прегрнува од далечина својата ќерка.

– Мамо – вели девојчето плачејќи.

– Биди добра – ѝ вели нејзината мајка.

– Мамо, ми недостигаш.

– Мама се бори со чудовишта. Ќе се вратам дома откако вирусот ќе биде победен – ја теши нејзината мајка.

Лиу Хајан може да ја прегрне ќерка си само оддалеку за да ја охрабри. Ним не им е дозволен директен контакт, така што девојчето го остава на земја јадењето за мајка си.

– Ќе се вратам кога ќе победиме во битката – ѝ вели мајката на својата ќерка.