Мамо, кажи ми дека сакаш да разговараш со мене. А кога ќе пораснам, ќе знам дека сум интересна.

Мамо, немој да ми забраниш да плачам, да се лутам, да бидам тажна и да бидам среќна. Зборувај со мене за чувствата. А кога ќе пораснам, ќе се разберам себеси и ќе знам дека со мене сè е во ред.

Мамо, забележи што се случува со мене. Ќе пораснам и ќе можам да бидам емоционално блиска со други луѓе.

Мамо, помогни ми кога е тешко, утеши ме кога ќе згрешам и нема да успеам. Не казнувај ме. Кога ќе пораснам, ќе верувам во себе и ќе можам да ги поддржам другите.

Мамо, прашај ме што сакам и што ми треба. А кога ќе пораснам, ќе можам да ги разберам моите вистински желби.

Мамо, дозволи ми да не се согласувам секогаш со тебе и да те негирам. А кога ќе пораснам, ќе можам да кажам – не.

Мамо, дај ми слобода, немој да ме контролираш постојано. А кога ќе пораснам, ќе станам одговорна личност.

Мамо, не брзај да ме направиш возрасна, пушти ме да бидам дете, да бидам слаба и беспомошна. И ќе станам самостојна и независна.

Мамо, само сакај ме. А кога ќе пораснам, ќе се чувствувам вредна.

Мамо, остани со мене кога сум дете. А кога ќе пораснам, нема да страдам од осаменост.

И уште една работа. Мамо, прегрнувај ме што почесто, те молам.

Автор: Олга Маховска, авторка на многу студии, книги и емисии од областа на детската психологија



912

X