Дали сте навистина свесен родител? Дали некогаш сте размислувале за тоа кога го започнавте вашето родителско патување? Тоа не било моментот кога сте станале родител, туку кога сте се родиле и кога вашите родители станале родители.

Сигурно сте се запрашале: „Каков родител ќе бидам?“ Вашите одлуки за родителство се засноваат на вашите верувања, од кои повеќето се програмирани на многу рана возраст врз основа на тоа како сте биле воспитувани од вашите родители, како и други искуства што сте ги имале, главно како дете.

Веројатно веќе го знаете тоа, но дали ги знаете овие пет изненадувачки факти за свесното родителство?

Вашите деца потсвесно учат работи од вас помеѓу 0 и 6 години

На возраст од 0 до 6 години, невронаучниците велат дека фреквенцијата на мозочните бранови е слична на возрасен човек во хипнотички транс. Така, сѐ што децата слушаат, гледаат и чувствуваат се програмира директно во потсвеста, без никакво филтрирање или избор. Овој малку познат факт има големо влијание врз тоа како вие ќе се снаоѓате во родителството, преку вашите мисли, зборови и постапки и врз тоа како вашите деца ќе ве восприемаат како родител.

Вашите деца од вас учат како да им веруваат на луѓето

Значењето што децата го даваат на искуството – е првенствено определено од нивниот когнитивен и емоционален развој.

Значи, доенчињата го толкуваат својот свет низ објективот кој подразбира дали тоа што го искусуваат покажува дека можат да веруваат. Малите деца кои стануваат самосвесни и се егоцентрични, ги толкуваат искуствата како тие самите да се во нивниот центар, од типот: „што и да се случува, мора да е моја вина“ или нешто слично на тоа.

Родителството на вашите родители влијае врз типот на мајка или татко кој ќе станете

Ова потсвесно програмирање станува ваш оперативен систем. Исто како што се „Виндоус“ или „Епл“ за компјутери, вашиот оперативен систем работи на автоматски пилот, во задниот дел од вашиот ум, како лента со 8 песни што постојано се врти.

Потсвесно ги отфрлате стиловите на родителство кои се различни од стилот на вашите родители

Функцијата на вашиот мозок е да го реплицира програмирањето на вашиот оперативен систем. Постојат делови од вашиот мозок, како што е системот за ретикуларно активирање, кои го филтрираат и отфрлаат секое верување или факт што не одговара на вашиот оперативен систем.

Вашата потсвест се сеќава на искуства од вашето детство и може да ги проектира тие искуства на вашите деца

Невронаучниците проценуваат дека повеќето потсвесни програми се негативни. Ова програмирање, исто така, ги контролира мислите, чувствата и навиките на просечниот човек, околу 97-99% од времето. Тоа значи дека и покрај вашите добри намери и напори, обично несвесно ги избирате вашите одговори. Затоа може да реагирате и често откако ќе им речете нешто на вашите деца да си помислите: „Ох, боже! Не можам да верувам дека тоа им го реков на моите деца. Исто како што моите родители ми велеа мене. А реков дека никогаш тоа нема да им го кажам на моите деца“.

Потоа, често започнува патување со чувство на вина, кое исто така е дел од вашето детско програмирање. Добрата вест е што можете да ги изберете вашите родителски верувања и да користите родителски стил заснован на резултатите што ги сакате, а не на старите навики.

Ова е првиот чекор за намерно да ги репрограмирате вашите верувања и да научите нов јазик и вештини за дејствување, така што вашите мисли, зборови и постапки ќе бидат во согласност. Лошата вест е дека ако не работите со некој што ќе ви помогне во идентификување на овие потсвесни верувања, веројатно нема да препознаете што не е вистина и нема да видите што се крие во вашата потсвест.

Ова не вклучува некој да ви кажува во што да верувате или да ви кажува нешто невистинито. Туку вклучува процес преку кој ќе добиете поддршка за да научите повеќе за тоа како функционира вашиот ум, а потоа да ги користите тие информации на намерен начин, заедно со алатки и техники што можете сами да ги користите, за да ги изберете и преработите вашите сопствени верувања.

Автор: Џоди Џонстон Пауел

Извор