Знаете што прави да чувствувам солидарност во мајчинството? Како да имаш цело село зад себе? Помошта од другите мајки. Мајките кои на други мајки им ја даваат облеката од децата што повеќе не им е точна.

Кога бев бремена со Лука и открив дека ќе имам син, пријателка на моите сестри ми даде 3 полни торби со облека, иако никогаш не ме сретнала. Дури и ми даде стегач за стомак, за по породувањето. Првата облека на Софија кога се роди ми беше дадена од страна на пријателка која би му ја облекла на своето дете ако беше девојче, а јас сè уште можам да коментирам колку беше прекрасна таа облека. Пријател ми подари јакни и чевли, повеќето од нив нови, со етикета, за синот Џејмс. И мислам дека тоа е најдобрата работа што може да ја направите за една мајка.

Не е скапа секоја облека за деца, но скапа е вкупно. Децата брзо растат. Кога ќе дојдат од парк дома, изгледаат како да биле во воена зона, а јас не знам која големина на чевли носат бидејќи толку брзо им растат стапалата.

Да добиете торба со облека од друга мајка е како таа да ви дала дел од своето срце. Облеката секогаш има сентиментална вредност, а таа малечка маичка со диносаурус која ја спакувала за да ви ја даде ја потсетува на авантурите што нејзиното малечко ги доживеало додека ја носело. Таа облека содржи спомени и љубов. Јас дури имам јакна која ми беше омилена додека бев мала за да ѝ ја дадам на Софија кога ќе порасне, а кога ќе ги износи своите работи, ќе ги дадам на друга мајка, сè додека не станат премногу износени.

Па, кога мајка ќе ви даде облека од своите деца, таа вели дека вие сте дел од нејзиниот „тим“, а тоа е најдобриот начин на кој може да ве поддржи во овие модерни времиња.

За сите мајки што ми дале мене и на други мајки облека од нивните деца, неверојатни сте. Ви благодарам што ни покажавте дека стоите зад нас и дека во мајчинството сите сме заедно. А Софија носи некои парчиња од „Ралф Лорен“… (јас никогаш не би купила нова брендирана облека, па ти благодарам Кат!)

Автор: Лаура Маза

Извор