Како адвокат за разводи и мајка на три деца, познато ми е дека стресот во животот може да предизвика штета за многу бракови. Исто така, голема е веројатноста стресот во изминатата година и пандемијата да ги влошат проблемите во една врска.

Разделбата со партнерот не е лесна одлука. Но, без оглед дали сте во брак или размислувате за разделба сега или во иднина, сакам да го знаете ова за да бидете подобро подготвени во случај на развод.

Финансиските прашања се важни

Кога почнува некој предмет, адвокатот (или судот) треба да знае какви се финансиските проблеми и колкав е приходот, како и имотот на семејството. Во текот на процесот на развод имате право на финансиски информации и историја на финансиите во вашето семејство. Како и да е, без оглед дали станува збор за развод, треба да ви биде удобно да разговарате со партнерот за финансиите. Ако не знаете, слободно можете да прашате за приходот на вашиот партнер и бонусите што ги добивал.

Исто така, треба да знаете дали вашиот партнер имал некој акумулиран долг за да не биде изненадување за време на разводот.

Треба да ги знаете вашите месечни семејни трошоци

Честопати во едно семејство едниот партнер ги плаќа сите сметки и подготвува детални пресметки за семејниот буџет, додека другиот прави сè друго. Ако вие сте таа личност, важно е добро да ги разберете месечните трошоци на вашето семејство. Во многу случаи начинот на живот и потребите се важни за алиментацијата.

Имајте на ум, црвено знаме треба да бидат ненадејните промени во навиките на трошење од страна на еден сопружник. Не е невообичаено за еден сопружник, кој можеби размислува за развод, да почне да ги намалува трошоците на семејството во обид да го намали животниот стил на семејството.

Дали разводот може да биде запрен?

Да, разводот може да биде запрен во кое било време ако двете страни изберат да се смират и да се обидат повторно. Сепак, колку и да не сака едниот сопружник да се разведе, разводот ќе тече.

Имајте на ум дека разводот е прилично тежок, но не мора да биде лошо искуство. Работата со адвокат за развод помага во контролирањето на емоциите и им овозможува на двете страни да бидат рамноправни и да се разделат праведно.

Автор: Аманда Леирд Криган
Извор