Eдна мајка на „Кидспот“ ја открила својата трауматична приказна од породувањето. Имено, нејзиното дете се родило порано, во 31. недела, по што било однесено на одделот за неонатологија каде [to веднаш по породувањето било интубирано. Таа се пожалила и дека нејзините родители во тоа време морале да патуваат во странство бидејќи баба ѝ починала и отишле на погреб.
Сето горенаведено можело да биде извор на траума за оваа мајка, која одлучила да остане анонимна, но открила дека нејзината вистинска траума при породувањето произлегува од нешто друго. Имено, врската со нејзиниот сопруг е нешто што никогаш не се поправила. Однесувањето на нејзиниот сопруг за време на породувањето оставило неизбришлива трага. Таа ја започнала својата приказна опишувајќи го искуството од испраќањето на нејзините родители на аеродром и што се случило кога се вратила дома. Таа вели дека почнала да повраќа и тоа траело еден час.
Ѝ се јавила на сестра си, која исто така имала многу трауматично породување, и веднаш го контактирала својот акушер кој ја советувал да оди во болница. Откако направиле серија тестови, лекарите ѝ препорачале да преноќи во болница. Во 3 часот наутро започнало породувањето. Приватната болница во која била не била опремена за породување во таа рана фаза од бременоста, па итно била префрлена во голема јавна болница, каде што акушерот веднаш направил итен царски рез.
Она што се случило потоа со нејзиниот сопруг во голема мера ја истрауматизирало.
„Прво, мојот сопруг одби да остане во приватната болница кога ме примија тоа попладне“. Никогаш нема да спијам – ѝ рекол додека таа доживеала огромен стрес прашувајќи се дали нејзиното бебе ќе биде добро и што ќе се случи. Таа го замолила да остане, а тој сепак си отишол дома. Таа била исплашена и ѝ била потребна поддршка, но тој не само што си заминал дома туку и го оставил мобилниот да се полни во работната соба, се качил во спалната соба каде што немало фиксен телефон и легнал да спие. Подоцна не сфаќал каде е проблемот, вели оваа мајка. „Ти беше добро во болницата кога заминав“, рекол тој, збунет што таа се чувствувала напуштена и изневерена.
Иако присуствувал на породувањето, повлечен од нејзината сестра, тој бил одлучно неподвижен. Не покажал никаков гест или момент на утеха. Иако подоцна разговарале за тоа што се случило таа вечер, таа не ја дознала целосната вистина додека нејзината сестра конечно не ѝ кажала што се случило.
Сестрата насилно го разбудила
Сестрата отишла во нивната куќа, тропнала на вратата, а потоа влегла сама со сопствениот клуч и тропнала на вратата од спалната соба за да го разбуди. Помислата на сето она што е потребно за да го присили да покаже каков било интерес е застрашувачка за мајката.
Таа признала дека никогаш не разбрала зошто се однесувал така и вели дека тоа ја прогонувало со години. А подоцна препознала некои неправилни шеми на неговото однесување, со кои тој секогаш го одвраќал вниманието од неа кон себе и вели дека претпоставувала оти неговиот лик може да се нарече нарцисоиден. Иако научила да живее со тоа, вели дека никогаш не го заборавила тоа чувство.
912