Мајка ги открива практичните причини зошто е добро да не го знаете полот на бебето до раѓањето
Во текот на изминатите 40 години ултразвукот стана стандарден преглед за време на бременоста. Освен што можат да видат како бебето напредува и се движи, родителите можат да откријат и од кој пол е детето. Сепак, некои родители одлучуваат да не го дознаат полот за време на бременоста.
Тиктокерката Џо Џонсон Оверби вели дека таа и нејзиниот партнер биле „тим зелено“, фраза за парови кои чекаат да се роди нивното бебе за да го дознаат полот. Нејзината перспектива за тоа кој е најдобриот избор за првата бременост одекнала и кај идните родители и кај искусните мајки и татковци.
Џо моментално е бремена со своето трето дете и овој пат решила да го дознае полот на бебето во текот на бременоста, а тоа ѝ дало нова перспектива.
-Ако сакате да бидете „тим зелено“ во една од вашите бремености, мислам дека треба да ја изберете својата прва. Добивате попрактични работи, а сите подароци од пријателите и семејството може да се применат за секое идно дете – открива таа во вирално видео.
Многу следбеници во коментарите истакнале дека решиле да не го дознаат полот токму поради практичноста на подарокот. Наместо родово одредена облека или играчки, им биле дадени основни потреби. Други ги споделиле неочекуваните придобивки од чувањето на полот на бебето во тајност, како што е на пример избегнување инвазивни прашања.
@jojohnsonoverby also overall gifts were sooo practical compared to my friends that chose to do a reveal!! #teamgreen #parenthood #pregnancy #genderreveal ♬ original sound – Jo Johnson
-Не можам да верувам колку се инвазивни прашањата – истакнала Џо.
Придружниците истакнале дека познајниците им поставувале необични прашања.
Се разбира, не постои „вистински“ начин да се пристапи кон оваа одлука. Многу родители признаа дека сакаат да го знаат полот предвреме за да можат подобро да го планираат или да се поврзат со бебето. Некои не сакаат да знаат, а на други им е стресно да не знаат. Други корисници откриле дека тоа додава слој на возбуда на бременоста.
Џо истакнала дека понекогаш на желбата да се дознае полот за време на бременоста е тешко да се одолее, па нагласила една важна работа.
-Мислам дека чекањето до раѓањето нема да ви го приреди најголемото изненадување на сите времиња. Кога и да дознаете, тоа е изненадување. Ако тајно проверите во седмиот месец од бременоста, тоа е изненадување. Ако го откриете полот со семејството и пријатели, тоа е изненадување – објаснила таа.
На крајот на краиштата, одлуката дали да дознаете или не, е длабоко лична и тоа е нешто за кое што вие и вашиот партнер треба да одлучите.
