Ако се прашувате дали на вашето малечко му треба куче во животот, можеби научниците ќе ви ја олеснат одлуката: да, и тоа заради кожата!

Ново истражување покажува дека децата што се изложени на кучиња на рана возраст имаат помала веројатност да развијат атопичен егзем, хронично воспаление на кожата што предизвикува црвенило, чешање и сувост. Научниците проучувале податоци од повеќе од 280.000 луѓе за да истражат како генетиката и надворешните фактори, како што е присуството на домашни миленици, работат заедно за да влијаат врз развојот на егзема – и откриле нешто интересно!

Децата што имаат генетска предиспозиција за егзема, имале помала шанса да ја развијат ако биле во контакт со куче на рана возраст.

-Знаеме дека генетиката игра важна улога, но сега првпат разбираме дека кучето може да има заштитен ефект дури и на молекуларно ниво – објаснува проф. Сара Браун од Универзитетот во Единбург.

Дали вашето дете има егзема? Еве како да му помогнете

Без разлика дали имате куче или не, ако вашето бебе или дете се бори со егзема, постојат голем број едноставни чекори што можат да помогнат во ублажување на симптомите. Дерматологот д-р Ники Ралф нуди практични совети за родителите:

Избегнувајте ги предизвикувачите

Откако ќе препознаете што ја иритира кожата на детето – тоа може да бидат одредени ткаенини, детергенти, прехранбени производи или дури и временски услови – обидете се да го минимизирате тоа.

Приспособете ја вашата нега на кожата

Користете благи, хипоалергенски и pH-неутрални производи, без мириси и бои. Класичните сапуни и пени за капење можат дополнително да ја исушат и иритираат кожата.

Капење во умерени количини

Пократките и почести капења се подобри од долгиот контакт со вода. Идеалната температура е:

-36 °C за новороденчиња
-37–38 °C за постари деца.

Времетраење? До 10 минути, без триење со крпа, само нежно тапкајте ја кожата за да се исуши.

Редовна хидратација

Не чекајте да се појави црвенило – хидратацијата е клучна дури и во фазите на „мирување“.

Омекнувач или крем се нанесува:

-Веднаш по капењето
-За време на менувањето на пелените
-И во секое време кога кожата изгледа сува.

Во случај на сериозно воспаление, лекарот може да препише локални кортикостероиди или други кремови.

Престанете со чешање

Чешањето го влошува егземот и може да доведе до инфекции. Решенија:

-Редовно сечете ги ноктите на вашето дете
-Ставете му памучни ракавици кога спие
-Редовно хидрирајте му ја кожата за да спречите чешање.

Обезбедете добар сон

Несоницата и прегреаната соба можат да ги влошат симптомите. Идеалната собна температура за бебиња е околу 18 °C, а исто така помага:

-Памучна облека без етикети
-Слоеви облека по потреба
-Рутина пред спиење.

И конечно… кучето не лечи, но може да помогне. Секако, кучето нема да го замени лекарот или терапијата, но се чини дека може да биде корисен сојузник во превенцијата, особено кај деца со генетски ризик. И со сето тоа, кучето обезбедува љубов, безбедност и незаменливо пријателство.

Значи, ако размислувавте за член на семејството со четири нозе, сега можеби имате уште една добра причина да го направите тоа.

Извор