Вашата мајка е една од најпосебните личности во вашиот живот и нема ништо слично на врската помеѓу мајката и синот.

Секогаш е совршено време да препознаете сè што вашата мајка направила за вас од моментот кога сте се родиле. Но, кога вашето срце е преполно со љубов кон мајка ви, може да биде тешко да смислите зборови што точно изразуваат колку таа ви значи.

Без разлика дали ги барате најдобрите цитати за мајки и синови на интернет, или ви треба инспирација за тоа што да ѝ напишете како порака на мајка ви за 8 Март или како роденденска честитка, овие цитати ќе ѝ дадат до знаење колку многу ја сакате.

„Среќно е момчето чија мајка не е уморна да му зборува бесмислици пред да биде доволно возрасно за да ја знае нивната смисла“ – Август Харе.

„Знам дека и покрај секоја глупост што ја правам, ќе можам да одам кај мајка ми, а таа сепак ќе ме сака. Искрено верувам во тоа“ – Нели Кристин.

„Мојата мајка ме создаде. Таа беше толку вистинита, толку сигурна во мене; и чувствував дека имам за што да живеам, за некој што не смеам да го разочарам“ – Томас Едисон.

„Мајката е највистинската пријателка што ја имаме, кога нè обземаат тешки и ненадејни искушенија; кога неволјата го зазема местото на просперитетот; кога пријателите нè напуштаат; кога тешкотиите ќе се насоберат наоколу, таа сепак ќе се припие до нас и ќе се труди со својата љубезност и совети да ги растера облаците и да предизвика мирот повторно да се врати во нашите срца“ – Вашингтон Ирвинг.

„Мајчината љубов е блаженство, мир, не треба да се стекнува, не треба да се заслужи“ – Ерик Фром.

„Мажот најмногу ја сака својата девојка, најдобро својата сопруга, а најдолго својата мајка“ – ирска поговорка.

„Кога ја гледаш својата мајка, ја гледаш најчистата љубов што некогаш ќе ја запознаеш“ – Мич Албум.

„Кралицата може да го напушти својот престол. Но, мајката никогаш не го напушта својот син“ – В.Е. Шваб.

„Сочувството е како мајка која им дава љубов на своите деца. Патиштата на мајката се повисоки од другите, дури и кога сите одбиваат, мајката прифаќа со отворени и широки раце“ – Амит Реј.

„Ако љубовта е слатка како цвет, тогаш мајка ми е тој сладок цвет на љубовта“ – Стиви Вондер.

„Можеби имаш богатство; ковчези со накит и злато. Побогат од мене никогаш не можеш да бидеш. Имав мајка која ми читаше“ – Стрикленд Џилијан.

„Срцето на мајката е длабока бездна на чие дно секогаш ќе најдете прошка“ – Оноре де Балзак.

„Нема никој кој се грижи за нас со толку љубов како нашата мајка. Таа е нашиот жив Бог“ – Мохташам Усмани.

„Синовите секогаш потонуваат во љубовта на нивната мајка“ – Хендрит Ванлон Смит Џуниор.

„Таа го жртвува својот сон за да го оствари мојот сон“ – Луфина Лурдурај.

„Мајката го разбира она што детето не го кажува“ – еврејска поговорка.

„Нема жива жена која би можела да го заземе местото на мајка ми“ – Тупак.

„Бог не можеше да биде насекаде и затоа ги создаде мајките“ – Радијард Киплинг.

Автор: Мики Сполен

Извор