Кога децата се вознемирени, користете ги овие 5 фрази
Во моменти кога децата се вознемирени, наоѓањето на вистинските зборови може да биде клучно за нивно смирување. Сепак, родителите понекогаш може да се чувствуваат збунети во такви ситуации. За среќа, едукаторот за родителство, мајка и психолог Џејми Блох споделила неколку совети.
Таа истакнала пет фрази кои можат да го смират вознемиреното дете:
-Во ред е да си вознемирен. Во ред е да го испуштиш тоа надвор од себе. Ќе се чувствуваш подобро потоа.
-Те слушам. Ова е навистина тешко за тебе во моментов. Не одам никаде.
-Во ред е да се чувствуваш како што се чувствуваш. (Но тоа однесување не е во ред).
-Не можеме да контролираме кога започнуваат и кога завршуваат нашите емоции. Но, сите чувства поминуваат. Овој тежок момент ќе помине и повторно ќе се чувствуваш добро.
-Можам да видам дека ти е навистина тешко во моментов. Можеме да одмориме заедно. Земи длабок здив. Седни или најди ново место, застани за момент и остави го ова чувство да помине.
-Децата доаѓаат кај нас барајќи утеха, поврзаност и потврда. Кога ги споделуваат своите емотивни искуства и откриваат длабоки и мрачни мисли, тоа може да нѐ вознемири, особено ако се работи за нас или ако тие се чувствуваат несакани. Затоа треба да им покажеме разбирање и да им ја признаеме болката, помагајќи им да се чувствуваат видени – заклучила таа.
