„Пионерска“ шема во Шефилд им помага на децата да го подобрат нивниот сон за 2,4 часа.
Како оваа клиника за спиење го подобрува животот на семејствата?
– Се будеа буквално 20, 30, 40 пати навечер. Не претерувам. 40 пати навечер беше нормата – вели Жакин, мајка на две близначки.
Близначките Џесика и Џасмин отсекогаш се бореле со спиењето.
– Имаа тежок почеток во животот. Страдаат од хронично повторливи болести, постојано беа во болница – раскажува Жакин.
Но, неспиењето на девојчињата почнало да влијае врз целото семејство.
– Мојот сопруг Џулијан имаше проблеми на работа и едвај успеа да ја задржи. Бевме навистина уморни и исцрпени.
Девојчињата беа испратени на клиниката за спиење во детската болница во Шефилд каде што сестрите дизајнираат рутина за спиење специфична за секој пациент.
– Генерално, тоа е еден вид смирување околу 30 минути, активности за координација на рацете и на очите, проследени со храна за спиење, сирење, млеко, сок од цреша, а потоа релаксирачка бања – раскажува една сестра.
Клиниката во Шефилд има 800 нови пациенти во период од една година.
По една година близначките Џесика и Џасмин имаат мирен сон и спијат и по 12 часа.
912