Кога зборуваме за семејните односи, воспитувањето кое не одговара на правилниот развој на детето може да доведе до формирање на таканаречениот комплекс „маж-дете“.

Што значи тоа?

На пример, ако таткото не и дава емоционална поддршка и внимание на мајката, таа може да почне да го бара тоа кај своето дете, со што ќе создаде подлабока врска отколку што е потребно. Затоа, мајката може да стане премногу грижлива и да го „задуши“ својот син со своето внимание, врзувајќи го за себе и оневозможувајќи му да се ослободи од чувствата на зависност од неа.

Како дете на таква компулсивна мајка, едноставно не можете да живеете сами. Таа постојано ќе ги коригира сите ваши грешки и ќе ги носи сите важни животни одлуки за вас сѐ додека ѝ дозволувате. Книгата „Modern Jung’s Clinical“ јасно ја опишува таа врска.

„И еве еден човек стои пред вас, живее во минатото и се обидува да побегне од овој студен и суров свет, кој не може да го разбере. Неговата мајка е често покрај него, не покажувајќи ни трошка загриженост за фактот дека нејзиниот син треба да порасне како маж и не прави ништо за да му помогне да порасне и да основа свое семејство. Сведоци сте на некаков заговор помеѓу мајка и син и гледате како тие двајца си помагаат да го изневерат вистинскиот живот.

Тој прави само низа мали обиди да се ослободи бидејќи неговата иницијатива и издржливост се парализирани од тајното сеќавање дека мир и среќа може да се добијат само од неговата мајка… Тоа наметнува одредени барања за машкоста на мажот, неговата ревност и, пред сè, неговата храброст и одлучност сѐ да стави на коцка. За да го направи тоа, ќе му биде потребна поддршката од предавничкиот Ерос, кој е во состојба да ја заборави својата мајка и да го преживее прекинот со првата љубов во животот“.

Таа мисла е многу длабока и нејзиното постоење можеби некому му изгледа нереално, но поентата е дека мајките кои одгледуваат зависни деца, сето тоа го прават свесно, без разлика дали сакаат да признаат или не. Синовите не можат да ја најдат вистинската среќа надвор од скутот на нивната мајка, бидејќи самите тие ги попречуваат на секој можен начин. Самиот мајчин комплекс кога детално ќе се испита е прилично шокантен.

Некои мажи навистина не можат да достигнат психолошка зрелост поради недостиг на татко и она што им треба од него. Но, за успешен и самостоен живот, таквите мажи треба да се ослободат од зависноста што ја чувствува нивната мајка кон нив.

Извор