Во Велика Британија е спроведено истражување во 60 основни училишта со цел да се открие колку училиштата имаат влијание врз дебелината на децата.

Сè поголем е бројот на наставници што сакаат да им кажуваат на родителите како да ги хранат децата. Сепак, не постојат докази дека нивните обиди имаат некаков ефект.

Унапредување на часовите по танцување и готвење

Според истражувањето, потребно е наставниците да се фокусираат повеќе на унапредување на часовите по танцување и на часовите по готвење.

Наставниците не треба да трошат време на ситуации кои не зависат од самото образование, како што е советување на родителите, бидејќи нема да има влијание.

Училиштето да поттикне здрави животни навики

Училиштето може да помогне во поттикнувањето здрави животни навики и да создава наставна програма која ќе ги мотивира учениците да се хранат здраво, но од училиштето не смее да се очекува да ги советува родителите.

Целта на семејствата, владата и на другите делови од јавниот сектор е да ги учат децата за значењето на здравата храна и да ги поддржат децата да прават подобри избори во нивниот живот.