Како да разговараме со децата, а притоа да не ги омаловажиме, да не ги мачиме и да не ги обесхрабруваме? Рускиот психолог Михаил Лабковски составил табела од секојдневни примери за неправилна и правилна комуникација. Обраќање без навредување и попување, без истакнување на лошото, туку со насочување кон доброто – тогаш децата полесно ќе ве послушаат, порачува Лабковски.
НЕПРАВИЛНО ПРАВИЛНО
Не гази во вирчето! Заобиколи го вирчето.
Не викај! Зборувај потивко, те молам.
Не јади толку брзо, ќе се удавиш. Полека џвакај ја храната.
Тргни веќе еднаш, до кога да те чекам?! Време е да појдеме, поздрави се.
Ќе паднеш! Биди внимателен.
Немој после да ми плачеш! Размисли за последиците.
Ќе се слизнеш! Внимавај каде одиш.
Ќе накиснеш. Понеси чадор, облечи гумени чизми.
Дали си ти глув/а, ме слушаш што зборувам? Слушај те молам што ќе ти кажам.
Дали си слеп/а? Обрни внимание на ова.
Како не ти е срам?! Твојата постапка многу ме растажи.
Кој ти дозволи така да разговараш? Во нашето семејство не се разговара така.
Убаво ти кажував! Извлечи поука и не повторувај ја грешката.
Нема шанси тоа да ти успее. Обиди се. Ако не пробаш, нема да знаеш.
912