Родителството е многу тешко, особено затоа што ги воспитувате децата низ различни фази на развој, управувате со нивните уникатни потреби и личности, им помагате да ги развијат алатките, вештините и квалитетите што ќе им бидат потребни за да бидат полноправни членови на општеството, додека се обидувате да ги одржите во живот и да се грижите за нивното здравје кога тие се најранливи – и пред да бидат способни да се грижат за себе.
За жал, многу луѓе не биле опкружени со добри родителски примери од кои можеле да учат. Злоупотребата и занемарувањето од различни степени се вообичаени, па многу луѓе што доживеале лоши работи во детството се во загуба кога ќе дојде време да ги воспитуваат своите деца.
Луѓето често сакаат да ги прават работите поинаку од нивните родители, но не знаат како
Позитивното дисциплинирање на децата не е нова вест, но многу луѓе не разбираат како тоа функционира. Некои може да го сфатат ова како „нежно родителство“ и да претпостават дека тоа е прекумерно уживање или дури и небрежност. Некои можеби го сметаат за слаб или неефикасен метод, но тоа е далеку од вистината.
Една мајка, позната како „LauraLove“ на „Тик-ток“ стекнала милиони следбеници споделувајќи ги нејзините позитивни родителски авантури со нејзините два мали сина Џон и Картер. Во неодамна објавеното вирално видео таа покажала некои од резултатите од ваквиот пристап кон родителството. Како што наведува, нежното родителство не води до брзи резултати бидејќи не се заснова на страв, туку доследноста и трпението се исплатат со текот на времето. Во ситуацијата кога син ѝ го истура кафето, таа на почетокот била многу вознемирена и молчела додека не се смирила, што исто така му помогнало на синот да сфати дека тоа што го направил е проблем, а од друга страна, не се срамел поради тоа.
@lauralove5514 Gentle parenting doesnt always yeild immediate reaulya because it is nog fear based BUT if you are consistent, you WILL see them actively use what they learn ♥️ Be patient! #fyp #foryou #toddlermom #parenting #gentleparenting #breakingthecycle #positivediscipline #respectfulparenting #viral ♬ original sound LauraLove
Природната последица била тоа што морал да го исчисти нередот, но морал и да научи што не е во ред со неговото однесување и како тоа влијае врз другите.
Родителството е долг и исцрпувачки процес, а позитивната дисциплина целосно го користи тој факт
Наместо да гледа на несаканото однесување како на карактерна маана што треба веднаш да се реши, нежното родителство работи на откривање и решавање на основните потреби на детето кои можеби не се задоволени, чувствата што детето сака да ги изрази и лекциите што детето сè уште не ги сфатило. Позитивното родителство препознава дека децата едноставно учат и дека строгата казна често доведува до полоши резултати подоцна, дури и ако некое однесување се прекине на краток рок.
912