Спиењето во попладневните часови е исклучително важно за развојот на детето, но потребната количина на сон зависи и од возраста на детето. Општо земено, на повеќето деца, на три или четири години, повеќе не им е потребен дневен одмор.
Кога легнувањето во попладневните часови станува мачење и за вас и за вашето дете, и ако на детето му треба подолго време за да заспие отколку времето што го поминува во сон, очигледно е дека неговата дневна потреба за сон е намалена и можете да почнете да правите промени во вашата дневна рутина на активности. Еве уште неколку знаци дека е време да ја прескокнете попладневната дремка:
Детето се спротивставува на спиењето
Наместо нормалната рутина што ја имало детето досега, тоа почнува да дава отпор. Може да стане од кревет и постојано да се жали за спиењето.
Детето е добро расположено и покрај тоа што не спие
Кога детето престанува да спие во текот на денот, но е добро расположено до легнувањето навечер, тоа е знак дека нема потреба од дневна дремка. Секако дека ќе има подеми и падови, но најчесто ќе биде расположено и полно со енергија.
Лесни утра
Дури и без попладневен одмор, детето спие добро цела ноќ и обично се буди наутро.
Попладневниот сон лошо влијае врз ноќниот
Ако вашето дете спие попладне, а му е тешко да заспие навечер, можеби е време да го прекинете дневниот сон. Можеби му треба многу време за да заспие или да се разбуди рано наутро.
Период на приспособување
Секако, има преоден период од неколку месеци, можеби и половина година, кога на вашето дете повремено ќе му треба дремка, но во најголем дел ќе може без неа. Оставете го да спие ако има потреба. Меѓутоа, ако вашето дете е на возраст над шест години и спие секој ден, тоа може да биде знак дека му недостига сон или има нарушување на спиењето, па во тој случај разговарајте со педијатар.
Охрабрете го вашето дете да се одмора, да чита сликовница, да слуша музика или да црта. Ова ќе му овозможи да се одмори од физичката активност и да се опушти.
Ако е изморено порано навечер, треба да го поместите времето за легнување. Исто така, треба да следите дали детето спие доволно за да може да се направи нов распоред.
Автор: Сања Маташиќ
912