Сите ние, на дневно ниво, се прашуваме дали сме добри родители, а не постои начин сами да го откриеме тоа

Прашањата и одговорите може да помогнат околу оцената за тоа дали она што го правите како родител е во ред.

1. Дали вашите деца, општо земено, се среќни и задоволни? Поимот среќа и задоволство е индикатор за благосостојбата на детето. Тоа укажува дека постои стабилност дома, а стабилноста им е потребна на децата за да напредуваат.

2. Дали вашиот семеен живот е релативно предвидлив и стабилен? Повеќето деца сакаат рутина и ред бидејќи им овозможуваат да се фокусираат на она што треба да го прават – да растат, да учат и да се развиваат. Кога постојат ред и рутина, децата можат да се фокусираат на својата енергија кон овие работи наместо да се обидуваат да откријат што ќе се случи наредно.

3. Дали средината во која растат е психолошки и физички безбедна? Некои деца растат во средина која може да се нарече токсична, каде што критиката и малтретирањето се случуваат постојано, со што нивната безбедност е загрозена. Охрабрувањето, пофалбите, позитивните повратни информации се психолошки безбедна средина.

4. Дали децата учат и се развиваат? Ова е индикатор дека работите се одвиваат добро.

5. Дали чувствувате дека сте одговорни или децата владеат? Некој треба да биде лидер во семејството, а најдобро е тој да биде возрасен. Во ред, децата ги поместуваат границите. Но родителите, во голема мера, треба да ги насочат дневните активности и да донесат мудри одлуки за децата.

6. Дали им давате можност на децата да се дружат со други деца и возрасни? Како родител, имате право да го насочите процесот на социјализација на вашите деца. Треба да ги научите да се дружат со другите. Вие им помагате во процесот отворајќи можности за дружење, учејќи ги за манирите и потсетувајќи ги дека треба да имаат интеракција со други луѓе.

7. Дали им помагате да ги развијат вештините за самостојно движење? Работата на секој родител е да работи со своето дете и да му помогне да стане самостојно.

8. Дали се чувствува нивната љубов? На децата им е потребно да се чувствуваат сакано. На вашите деца треба да им ја покажете љубовта преку вашите дела и зборови.

9. Дали семејниот живот е забавен, барем во одреден дел од времето? Хуморот и забавата се блоковите што го градат менталното здравје. Тие ги олеснуваат напнатоста и стресот. Затоа татковците што кажуваат шеги се добредојдени во семејството.

10. Дали другите луѓе мислат дека сте добар родител? Како повеќето луѓе го оценуваат вашето родителство? Секогаш ќе постојат луѓе што ќе ве критикуваат, но што би рекло мнозинството?

11. Дали сте среќни во вашата улога? Сите ние понекогаш се изневеруваме себеси, а и нашите деца. Меѓутоа, треба во поголем дел од времето да чувствувате радост од улогата на родител. Ако е така, ова ќе се покаже кај вашите деца на многу начини. Ако не е така, тогаш треба да откриете што ве спречува, а потоа да ја промените ситуацијата.

Извор