Семејните патувања се драгоцени за создавање заеднички спомени. Но, тие можат да бидат и многу скапи, толку многу што многумина не можат да си ги дозволат. Сепак, постојат неколку трикови и совети што можат да ви помогнат да се „снајдете“ на тие семејни одмори и да поминете малку поевтино.

Она што дефинитивно може да ви помогне е однапред да заштедите за вашето патување и да донесете сопствена храна и закуски, или да побарате сместување што има кујна за да ги намалите трошоците.

Еве подетални совети за тоа како да заштедите на патување:

Планирајте и поставете буџет – однапред одредете ја сумата што можете да ја потрошите на патувањето, поставете реална цел колку ви треба да ги соберете тие пари.
Времето е важно – патувањата надвор од туристичката сезона се значително поевтини.
Избор на дестинација – разгледајте некои помалку популарни дестинации бидејќи тоа значи пониски цени.
Опции за сместување – изберете апартман или некој друг приватен сместувачки капацитет бидејќи тие обично се поевтини од хотелите за семеен престој.
Заштедете на храна – спакувајте закуски и некои оброци, или побарајте сместување со кујна, каде што можете сами да си ја подготвите храната и да ги избегнете трошоците за ресторан.
Транспорт – бидете флексибилни кога станува збор за датумите на патување.
Бесплатни активности – побарајте бесплатни активности како паркови, музеи…
Попусти – прашајте дали можете да добиете групни попусти или дали има попусти за некои атракции и активности.

Резервирајте однапред – еден од најдобрите начини да заштедите на сместување и превоз е да го резервирате вашиот одмор однапред, по можност неколку месеци порано.
Размислете за опции со сѐ вклучено – понекогаш крстосување со сѐ вклучено или одмор во одморалиште е поевтино од другите опции, во зависност од дестинацијата.

Следејќи ги овие совети, ќе можете да создадете спомени за семејството без да банкротирате.

Автор: Наташа Златковиќ

Извор