Неколку видови борби за моќ предизвикуваат значајна емоционална штета за родителите, како што се борбите меѓу браќата и сестрите. Ова не е едноставно несогласување што е нормален дел од растењето. Станува збор за физички конфликти меѓу деца – удирање, гризење, шлаканици и слично. Тоа е непријатно и застрашувачко за сите вклучени, но таквите однесувања меѓу браќата и сестрите се релативно вообичаени, а меѓународно признатиот експерт за родителство Ејми Мекреди, основач на „Позитивни родителски решенија“ и најпродаваниот автор на книги за родителство, нуди неколку совети.

Бидете фер

Бидете проактивни и обидете се прво да откриете потенцијален проблем што може да произлезе од вашиот пристап. Можеби има нешто што можете да го промените за да му ставите крај на ривалството меѓу вашите деца. Колку и да е тешко да се прифати, честопати ваквото однесување меѓу децата е поттикнато од постапките на родителите. Важно е родителите да создадат фер и непристрасна средина во семејството.

Не користете етикети

Без разлика дали се зборува или имплицира, етикетите како „паметни“ или „диви“ ја поставуваат основата за ривалство помеѓу браќата и сестрите. На пример, ако едно дете го означите како „спортски тип“, можете да бидете сигурни дека неговиот брат или сестра не се чувствува така. Или, ако наречете друго дете „проблематично“, братот или сестрата може да се чувствува многу супериорно. Позитивните и негативните етикети поставуваат терен за расправии бидејќи децата имаат тенденција да се борат со споредбите што ги поставувате.

Не нагласувајте ја поделбата на улогите помеѓу „жртва“ и „агресор“

Често родителите ќе се најдат во улога на детектив и судија. „Жртвата“ се смирува со прегратки и убави зборови, а „агресорот“ е принуден да влезе во собата со остра опомена. Проблемот е што кога ја опсипуваат „жртвата“ со внимание и нежност, испраќаат јасен сигнал дека однесувањето на послабата алка во расправијата (без разлика дали е искрено или не) ќе привлече внимание. Ова, секако, ги поттикнува децата да ја повторуваат драмата и да ги извртуваат вистинските настани, додека „агресорот“ добива порака дека насилството му дава моќ и тоа може да го наведе да го повтори агресивното дејство.

Пополнувајте ја „корпата за внимание“ на децата секој ден

Обезбедете позитивно внимание секојдневно. Одвојте време секој ден да влезете во нивниот свет, според нивните услови, да изградите емотивни врски и да ги смирите импулсите на вашето дете да се бори за превласт. Ова значи да одвоите време за секое дете за да го добие вашето неподелено внимание.

Погрижете се децата да бидат одморени

Децата се со поголема веројатност да ги контролираат своите импулси ако имаат доволно сон, па затоа не прескокнувајте го времето за дремка. На децата им треба ова време за да се ресетираат ментално и физички.

Поттикнете позитивни особини

Наместо да ги етикетирате вашите деца, нагласете ги нивните позитивни квалитети. Поттикнувајќи ги нивните напори и нивните природни таленти и способности, ги поттикнувате сите ваши деца да го достигнат својот потенцијал. Наместо „таа е паметна“, можете да кажете „дала сѐ од себе на училиште“. Или наместо „тој е атлетски граден“, кажете „тој работи навистина напорно за да го подобри својот удар во тенис“.

Кога децата слушаат како нивните родители ги охрабруваат да работат напорно, тоа само им дава моќ да работат повеќе. Кога децата разбираат дека напорот се цени пред исходот, тие сѐ помотивирани да дадат сѐ од себе, тврди Мекриди.

Извор