На крајот од долгиот училиштен ден на многу деца им треба преоден период за поврзување. За некои деца, оваа потреба може да се прикаже како солзи и фрустрација поради феноменот познат како колапс на ограничувањата по училиште. И додека тантрумите на децата по училиште се почести во текот на првите недели од учебната година, тие сè уште можат да се појават во текот на годината.

Еве неколку одлични идеи за поврзување со вашите деца кои ќе помогнат да се создаде понежна постучилишна транзиција.

Одвојте малку време да се прегрупирате

„Донесувам одлука пред да ги земам за тоа како сакам да се појавам“, вели Шауна Скејф, родителски тренер и мајка на три деца на возраст од 10, 9 и 7 години, од областа Оканаган, во САД. „Лесно е да се биде во режим на автоматско пилотирање, па затоа се подготвувам да бидам нерасеана и да бидам сто проценти присутна мајка“.

Останете малку надвор

Ако можете пешки или со велосипед да одите до училиште или автобуска станица, направете го тоа ваша секојдневна навика. Оставете доволно време да се движите со темпото на вашите деца и да застанете на игралиште или да тргнете по друг пат различен од минатиот. Стремете се кон спротивното од структурираното и дајте им време и простор на децата да ја ослободат својата енергија.

Подгответе си ужини за енергија

Ужините се сигурен начин да ги соберете сите заедно на едно место, а полнењето на енергијата може да помогне во емоционалната регулација. Претходно сечканиот зеленчук и овошје значи дека можете веднаш да тргнете во заедничка акција. Заедничкото седнување на маса е исто така одличен начин да започнете отворени интеракции и дискусии со децата.

Поставувајте интересни прашања

„Како беше на училиште?“ е монотоно и непредизвикувачко прашање. Експертот за родителство од Торонто, Наташа Шарма, вели дека правилото за временско ограничување добро функционира со нејзините деца. „Им велам дека имаат 60 секунди да ми кажат една интересна работа за нивниот ден пред да избегаат да си ги вршат своите обврски“. Можете да започнете со споделување нешто за вашиот ден или да побарате од нив да споделат нешто што било прекрасно или чудно тој ден. Исто така, во ред е да се зборува за други работи освен за училиште, потсетува Шарма.

Останете на маса подолго

Имајте корпа со активности кои се тивки, како што се занаети, боенки, игри со карти и слично, и може да се практикуваат во времето за ужина. Ако децата се задоволни, почнете да подготвувате вечера и поканете ги да помогнат.

Галете ги децата

Некои деца ќе копнеат по физички допир, затоа стуткајте се заедно на каучот и гласно прочитајте книга или покријте се со ќебе и гледајте телевизија. Ако детето има многу енергија за согорување, креирајте неделна семејна плејлиста и организирајте забава за танцување.

Дајте им простор да се смират

„Сакам моите деца да знаат дека го почитувам нивниот простор и сакам домот да биде утешително место“, вели Скејф. Ако се закачат палтата и се остават ранците, во ред е да им се дозволи сами да си ја изберат следната активност, уверува Шарма. „Нека се сместат каде сакаат, дури и ако тоа е пред нивниот ајпад. Родителите можат да постават ограничувања и очекувања околу употребата на екранот предвреме за да спречат какви било проблеми“.

Смислете неделен ритуал

Соработувајте со вашите деца и планирајте нешто забавно за семејството да го очекува тоа на крајот од долгата недела. Скријте мало уживање некаде во куќата или направете го петокот посебен со игри или гледање филм.

Без оглед кој ќе биде моментот на поврзување што ќе го изберете, не мора да биде премногу комплициран или долг за да направи разлика, вели Скејф. „Целосно сум присутна во тој период веднаш по училиште и тоа ги исполнува. Тие обично потоа се повлекуваат и сфаќам дека повторно имам мирно време за себе“.

Автор: Луиз Глисон

Извор