Денес сѐ поголем број деца на возраст од 10 до 15 години имаат мобилен телефон. Сепак, родителите не треба да заборават дека телефонот не е играчка. Всушност, овој уред стана потреба и навика, не само за возрасните, туку и за децата.

Децата ги молат родителите да им купат мобилен телефон уште од најрана возраст. Некои родители го прифаќаат тоа, па телефоните стануваат дел од животот на децата. Иако изгледаат како добар извор на забава, телефоните не се играчка и затоа родителите треба да бидат внимателни.

Ризици што децата ги преземаат користејќи мобилни телефони

Мобилните телефони станаа алатка за децата-насилници. Поради тоа, социјалните мрежи и апликациите за пораки понекогаш се многу опасни за децата.

Родителите сметаат дека со своето присуство ја контролираат употребата на уредот, но тоа не е доволно. И ова се неколку проблеми со кои децата можат да се соочат кога рано користат мобилен телефон: проблеми со меморијата, одложено учење, проблеми со вниманието, недостиг на самоконтрола, зависност од технологија, проблеми со спиењето.

Мобилните телефони не можат да ги заменат класичните играчки

Мобилните телефони не можат да ги заменат традиционалните играчки, како што се пластични автомобили, кукли, кадифени играчки, коцки за редење или што било што им помага на децата да ги развијат имагинацијата и вештините за учење. Децата треба да си играат со други деца, нивните родители, роднини или домашни миленици.

Се разбира, тоа не значи дека тие не смеат повремено да седат на телефон, но ако го сторат тоа, родителите треба да ги следат и да го ограничат времето на користење на уредот. Ова ќе ги намали ризиците со кои тие можат да се соочат при негово користење.

Дали децата имаат потреба од мобилен телефон?

Секој ден сѐ повеќе деца бараат од своите родители да им купат мобилен телефон, а одговорот на прашањето зошто им е потребен во повеќето случаи е: затоа што другарчињата имаат.

Запрашајте се зошто на седумгодишно дете му треба мобилен телефон? Ако го има, родителот не може да ја контролира неговата употреба 24 часа на ден. Во овој случај децата би имале целосна слобода, а на таа возраст сè уште немаат самоконтрола.

Што може да направи родителот ако детето побара мобилен телефон?

Кога децата бараат мобилен телефон, мора да им дадете до знаење дека тоа не е играчка. Понекогаш трендовите не се позитивни и доведуваат до низа специфични проблеми. Затоа, никогаш не треба лесно да се прифаќаат детските каприци.

Многу пати родителите користат мобилни телефони за да ги смират своите деца, но треба да разберат дека тоа функционира само во моментот и дека има последици од употребата на технологијата на рана возраст. Затоа, експертите советуваат родителите да почекаат и да им купат мобилен телефон кога децата ќе бидат доволно зрели и одговорни за да можат правилно да ги користат.

Секој родител има право да ги воспитува своите деца на начинот за кој мисли дека е најдобар. Може да им купи на своите деца што сакаат. Сепак, важно е да се разберат ризиците и да се биде свесен за можните последици што поврзани со употребата на мобилниот телефон.

Извор