Уртикарија е кожна болест која се карактеризира со појава на розови до црвеникави издигнати промени на кожата наречени уртики. Многу чешаат, но брзо исчезнуваат. Се појавуваат по целата кожа во различен број, а понекогаш можат да бидат локализирани, поточно лоцирани во одредена област. Може да бидат придружени со оток.

Како да препознаете уртикарија кај децата?

Кај децата уртикаријата може да биде придружена со отекување на очните капаци или усните. Се јавува во различен број и варира од форма на зрно грашок до многу поголеми форми, т.н. џиновска уртикарија. Тие се придружени со силно чешање.

„Чешањето е обично првиот знак на уртикарија, а наскоро се појавуваат уртики – мазни, малку подигнати области кои се поцрвени или побледи од околната кожа и обично остануваат мали, помали од еден сантиметар“, објаснува професор Каштелан, дерматологот.

Која е причината за уртикарија?

„Различни работи и алергени може да предизвикаат уртикарија. Тоа може да биде храна, лекови, растителни токсини, каснувања од инсекти и друго кои предизвикуваат акумулација на течност во кожата“, објаснува дерматологот.

Уртикаријата често се јавува по ингестија на храна или лекови, по инјектирање или вакцина, а поретко при контакт и вдишување алергени. Најчести причини за уртикарија од храна се: јајца, риба, јагоди, зачини, конзерванси. Различни физички агенси како топлина, студ, притисок и напор, исто така, можат да предизвикаат уртикарија. Уртикарија може да предизвика и убодот од оси, пчели, каснувања од мравки и други инсекти.

Уртикарија кај доенчиња

Може да се јави во најрана возраст, поточно кај бебињата. Најчеста причина се алергени на храна. Розова до црвена уртикарија може да се појави насекаде на кожата, многу да чеша и да го промени местото каде што се појавува во текот на денот.

Извор