Сезоната на настинки и грип често почнува во октомври кога надвор почнува да застудува. Може да трае до март или понекогаш до мај. Секоја година, важно е да го подготвите и да го заштитите вашето семејство.
Настинката и грипот се слични, но се две различни состојби. И двете се предизвикани од вируси кои се заразни. Често настинката е блага, почнува бавно и може да трае подолго. Грипот е потежок, се појавува одеднаш и не трае долго.
Пат за подобрување на здравјето
Постојат неколку работи што можете да ги направите за да се заштитите од заболување. Иако ги преземате сите мерки, сепак, може да фатите настинка и грип, но тие можат да помогнат во спречување или намалување на симптомите.
Грижа за себе
– Често мијте ги рацете. Ова може да помогне да се спречи ширењето на бактериите.
– Хранете се здраво, бидете активни и спијте доволно. Овие работи помагаат за зајакнување на вашиот имунолошки систем и за одржувањето на телото.
– Кашлајте и кивајте во лакотот. Ако кивате во рацете, помагате во ширењето на бактериите. Затоа, внимавајте.
– Користете антибактериски производи за чистење на површините. Овие производи помагаат за дезинфицирање и треба да се користат во целиот дом. Чести области се масите. Не заборавајте да ги исчистите и рачките на вратите, прекинувачите за светилките и играчките на вашите деца.
– Останете дома кога сте болни. Може да сте заразни пред да имате симптоми и откако ќе почнете да се чувствувате подобро. Избегнувајте места каде што можете да го ширите вирусот.
– Држете се подалеку од луѓе кои би можеле да го шират вирусот. Обидете се да избегнувате мали деца и бебиња, бремени жени, луѓе над 65 години и повозрасни и секој со хронична состојба како што е астмата. Луѓето во овие групи имаат повисок ризик од компликации поврзани со грип.
Вакцина против грип
Најдобар начин за заштита од грип е да примите сезонска вакцина против грип.
Вакцината против грип е особено важна за луѓе што се изложени на голем ризик од компликации поврзани со грип.
Работи што треба да се земат предвид
Дури и со заштита, вие или вашите деца можеби ќе настинете или ќе добиете грип. Постојат начини да се чувствувате подобро додека вашето тело се бори против вирусот.
– Одморете се. Ова е особено важно ако имате температура. Одморот му помага на вашето тело да се бори против инфекцијата.
– Престанете да пушите и избегнувајте пасивно пушење. Пушењето може да ги влоши симптомите.
– Пијте многу течности. Пијте вода, чај и чисти супи. Течностите помагаат во олабавувањето на слузта и спречуваат дехидрирање.
– Избегнувајте алкохол. Алкохолот може да ве дехидрира и да ги влоши симптомите.
– Правете гаргара со топла солена вода неколку пати на ден за ослободување од болката во грлото. Може да помогнат и спрејови за грло. Но, внимавајте, постои опасност од задушување кај малите деца.
– Користете капки за нос. Тие помагаат во олабавувањето на слузта и ја навлажнуваат нежната кожа во носот. Безбедни се за употреба кај мали деца и бебиња.
– Користете апарат за навлажнување на воздухот. Со тоа му помагате на градниот кош да се олабави.
Кога да одите на лекар?
Разговарајте со лекарот пред да се вакцинирате против грип ако:
– Имате сериозни алергиски реакции на вакцината.
– Имате негативни несакани ефекти од вакцината.
– Имате деца помали од 6 месеци.
Ако имате настинка или грип и симптомите продолжат или сте под висок ризик, веднаш контактирајте го вашиот лекар.
Знаци дека состојбата ви се влошува:
– Продолжена, висока температура.
– Проблеми со дишењето.
– Бојата на кожата станува сина (кај бебињата).
– Тешка болка во градите.
– Несвестици.
– Продолжено повраќање.
– Тешка болка во лицето (синусите).
– Отечени жлезди во вратот или вилицата.
– Болка во ушите.
– Промени во менталната состојба, на пример, будење и збунето однесување и дезиорентираност.
Прашања што треба да му ги поставите на лекарот:
– Што можам да направам за да го заштитам моето бебе од настинка или грип?
– Ако моето дете има настинка или грип, како можам да се заштитам себеси или другите деца?
– Кога е најдобро да се стави вакцина против грип?
– Кои видови проблеми би можел да ги имам ако сум со висок ризик од компликации поврзани со грип?
912