И покрај верувањето на многумина дека е лесно да се биде „само мајка“, без платена работа, ова е далеку од вистината. Иако е убаво, во одредени ситуации може да биде исклучително стресно, но тоа им е јасно само на оние што се нашле во ситуација да мора да се грижат за домот, децата и семејството 24 часа на ден, седум дена во неделата. Никогаш не сте сами и често не можете ни да ги слушнете сопствените мисли, а всушност често се чувствувате многу осамени. Има денови кога се чувствувате самоуверени и силни, а потоа има денови кога мислите дека сето тоа е премногу за вас и дека не можете да поднесете да бидете „само мајка“ ниту еден час повеќе.

За таа „работа“ мора да имате стратегија за „преживување“. Како некој што бил на таа позиција, еве неколку совети кои ја сочинуваа мојата стратегија.

Планирајте однапред

Ако не успеете да планирате, планирајте да не успеете. И така е. Немојте да се будите и потоа да се прашувате како ќе го поминете денот. Секогаш правете го тоа претходниот ден. Кога и што ќе готвите, кога е време за спиење, грицкање, излегување. Тоа не значи дека секој детаљ секогаш ќе оди според планот и дека работите нема да се сменат при самиот процес, но самиот факт што имате план прави да се чувствувате посигурни и посилни. Дури и ако нешто се промени, тоа нема да значи премногу стрес.

Побарајте бесплатни настани и активности во областа

Секогаш има различни бесплатни активности за деца во текот на летото. Бесплатна обука на повеќе спортови и приредби за деца во викендите. Прашајте дали има нешто слично во вашата област. Ако не, можеби има библиотека, музеи или нешто друго што можете да го направите за да ги забавувате децата и да ја промените рутината. Еден од добрите предлози за детето и за мајката е заедничкиот тренинг.

Поттикнете ја независноста кај вашите деца

Мајките што остануваат дома имаат тенденција да бидат попосветени на своите деца, така што тие имаат тенденција да преземат повеќе од товарот отколку што е навистина потребно. Немојте. Без разлика што не работите „од 9 до 17“, не значи дека треба да бидете достапни цел ден. Напротив, како мајка која е присутна, имате шанса да поттикнете независност кај вашите деца и да ги насочите да прават што е можно повеќе работи без ваша помош. Не само што ќе ви биде полесно, туку и на вашите деца ќе им направите огромна услуга за иднината.

Помирете се со фактот дека малку хаос е сосема во ред

Вдишете длабоко и прескокнете ја таа играчка. Не мора, навистина не мора секогаш да биде сѐ на своето место. Не мора сè да биде совршено. Вистина е, вашата куќа нема секогаш да биде уредна, децата понекогаш ќе одат во парк со дамка од кечап на маицата, можеби ќе заборавите да ги платите сметките, но сето тоа е дел од животот. Прифатете го хаосот, ќе бидете посреќни.

Можеби најважно – не ставајте ги настрана сопствените потреби

Да се ​​биде мајка, и мајка која е секогаш тука, не значи дека не треба да се грижите за себе и дека не ви треба ништо. Како беше она – не може да се истури ништо од празна чаша.

Затоа, чувај се мајко, бидејќи ако си под стрес, ако го немаш тој половина час целосно да дишеш, на крајот, тоа ќе влијае и врз децата. За нивно добро, најди ги своите пет минути.

Извор