Израелските научници го „разоткриле кодот“ со кој подобро ќе може да ги разберат генските причини за појава на АДХД – хиперактивност со дефицит на внимание. Оваа нова студија била спроведена од истражувачи од Универзитетот „Бен-Гурион“ од Негев и Универзитетскиот медицински центар „Сорока“ и е објавена во рецензираното академско списание „Комуникациите во природата“.

АДХД е едно од најчестите ментални нарушувања што обично првпат се појавуваат во детството. Ова нарушување особено се карактеризира со хиперактивност и тешкотии во фокусирањето. Но, што го предизвикува? Очигледно е дека постои генска предиспозиција. Но, како точно функционира? Кои гени се засегнати?

Според новата студија, тој ген може да биде само CDH2, доколку тој ген мутира. CDH2 е ген кој го кодира „N-cadherin“, кој е одговорен за помагање во активноста и формирањето на мозочните синапси. Меѓутоа, мутација во CDH2 ја менува оваа активност. Ова, за возврат, влијае врз молекуларните патишта и нивоата на допамин во две специфични структури на мозокот: вентралниот среден мозок и префронталниот кортекс, и двете се поврзани со АДХД.

Овој процес бил тестиран со користење CRISPR-технологија која подразбира генски истражувања за да се вметне овој тип на мутација во хомологните гени на глувче, што предизвикува наследна хиперактивност. Импликациите од ова откритие може да помогнат да се отвори патот за понатамошно сфаќање на тоа како функционира АДХД и како може да се третира.

„Дополнително со научната важност за наоѓање јасно разграничување на новата генска основа и молекуларните патишта за АДХД – и мутираните човечки клетки и глувчето што ја носи човечката мутација, може да послужат како ефикасен систем-модел за откривање нови лекови за АДХД“, вели проф. Охад Бирк, еден од авторите. Понатамошни студии на оваа тема биле иницирани од тимот од „Бирк“ во Националниот институт за биотехнологија во Негев (NIBN).

Автор: Д. Халперин

Извор