Пријателите од детството се многу повеќе од само пријатели. Првиот однос на нашите деца надвор од домот се доста значајни. Различни од односите со семејството, пријателите од детството на децата им даваат можност да одлучат сами со кого сакаат да се дружат.
Пријателите од детството нашите деца ги водат кон поголема независност. Можеби за првпат во нивниот живот, тие ќе слушнат за перспективите, приоритетите и вредностите што се разликуваат од оние што ги сретнале претходно. Увидот во животот на пријателите на децата им дава поглед во разновидниот свет што допрва ги чека.
Како што децата растат и влегуваат во ново поглавје од животот, еден подарок што ни го даваат е тоа што стануваме сведоци на прекрасно рано пријателство. Освен тоа, овие пријателства се потсетник на многу важни лекции.
1. Пријателите од детството се сакаат со целото срце
Дали некогаш сте ги гледале децата на роденденска забава? Кога е време да се отворат подароците, сите деца викаат: „Отвори го мојот прв!“. Секој сака да го даде најдобрио подарок, не поради суета или престиж, туку поради радоста што ќе му ја овозможат на нивното другарче. Тоа е несебичен чин на дарежливоста. Во детството, важна е мислата. Таа е меѓу најневините форми на одобрување, а најголемата награда е вистинската насмевка.
2. Пријателите од детството се поддржуваат едни со други
Меѓу подароците што пријателите од детството си ги нудат едни на други, е и безусловната поддршка и радост.Многу често, кога децата одат на гости кај своето другарче, честопати дома се враќа задоволно и среќно, со прашањето: „Кога може повторно да се вратам таму?“.
Децата едноставно сакаат да бидат дел од радоста што ја нуди нивното другарче.
Овие нежни односи ни овозможуваат да бидеме навистина среќни што другите имаат работи или квалитети што ние ги немаме. Пријателите од детството нè потсетуваат дека можеме да влеземе во туѓите светови и да останеме малку, смеејќи се и радувајќи се заедно. Можеме да бидеме среќни едни за други и да се поддржуваме едни со други. Можеме да сакаме чисто и со воодушевување, без никаква љубомора.
3. Децата кои имале пријатели во детството сакаат трајни врски
Повеќето деца знаат дека нивните семејни односи се статични и неподвижни. Во нивната природа е да сакаат таков вид на стабилност и надвор од домот. Целото човештво сака длабоко поврзување.
Статистички гледано, пријателствата што ги имале во детството може да им понудат заштитни придобивки против осаменоста кога ќе остарат. Пријателите од детството се меѓу првите спомени на нашите деца. Овие спомени помагаат да се дефинираат нивните односи како што стареат.
912