Илон Маск е познат по својот посебен пристап кон родителството. Во период од 20 години Маск има десет деца со три различни жени.

Неговото прво дете е родено во 2002 година. Го добил во првиот брак со канадската писателка Џастин Вилсон, со која има шест деца. Тие се венчале во 2000 година, но се развеле во 2008 година.

По разводот двапати се оженил и се разведувал од актерката Талула Рајли, но немале деца. Нивниот прв брак траел од 2010 до 2012 година, а вториот од 2013 до 2016 година.

Во 2018 година Маск започнал врска со кантавторката Грајмс, а првото дете го добиле во 2020 година. Раскинале во септември 2021 година, па потоа накратко повторно биле заедно и добиле уште едно дете во декември 2021 година, со помош на сурогат мајка. Во ноември 2021 година Маск добил близнаци со Шивон Зилис.

♥️ Love these two more than life itself ♥️ pic.twitter.com/82FdmiGez8

— Shivon Zilis (@shivon) August 18, 2023

Зилис: „Тој е личноста на која најмногу му се восхитувам на светот“

За близнаците што ги доби со Шивон Зилис најмногу се зборува затоа што таа е извршен директор на неговиот стартап за вештачка интелигенција „Невралинк“, а Маск со неа никогаш не се забавувал, ниту бил во врска.

„Тој навистина сака паметните луѓе да имаат деца, па ме охрабри да го направам тоа“, изјавила Зилис.

Таа објаснила дека Маск ја убедувал да го земе предвид како донатор на сперма, што е во согласност со неговото залагање за размножување меѓу интелектуалците.

„Тоа ми беше лесна одлука бидејќи можев да ја изберам личноста на која најмногу ѝ се восхитувам на светот“, објаснила Зилис.

Маск е активно вклучен во воспитувањето на децата уште од првиот ден

На почетокот не очекувала дека тој ќе биде премногу вклучен во воспитувањето на децата. Таа претпоставувала дека тој ќе ја преземе улогата на кум. Сепак, од првиот ден активно учествувал во целиот процес. На пример, Маск минатата година изјавил дека контролата на раѓањето и абортусот може да доведат до колапс на цивилизацијата.

That was a happy memory ♥️ The blur on the photo kills my eyes though. Since it’s out there anyway, here is the actual. pic.twitter.com/GxayLT1ECn

— Shivon Zilis (@shivon) September 12, 2023

„Кога имате пристап до контролата на раѓањето и абортусот, можете да го задоволите вашиот инстинкт, но не и да се размножувате. Загрижен сум дека цивилизацијата ќе пропадне ако не создадеме доволно луѓе барем да го одржиме нашиот број, можеби дури и да го зголемиме малку. Се плашам дека цивилизацијата ќе се распадне“, изјавил Маск во интервју за „Фокс њуз“.

Извор