По 13 часа операција, хрватските доктори успешно раздвоиле сијамски близнаци, односно бебиња кои биле поврзани на долниот дел од градниот кош, цревата, кожата и меките ткива.

Операцијата ја извршиле лекари од клиничко-болничкиот центар во Загреб пред два месеца, но веста е објавена сега зашто сакале да бидат сигурни дека девојчињата, стари околу четири месеци, добро ќе закрепнат. Ова е прв пат ваква операција да биде изведена во Хрватска.

Началникот на Заводот за неонатологија и неонатална интензивна медицина вели дека проблем претставувало и тоа што бебињата биле прерано родени, во 33. недела, и имале неизбалансирана циркулација, поради што едното имало висок притисок, а другото низок.
Ова е втор случај во светот близнаци да се споени со црниот дроб и цревата, и за среќа, двете девојчиња преживеале.