Пиењето вода не е единствениот начин да останете хидрирани. Истражувањата на светските медицински институти покажуваат дека човекот внесува и до 20 проценти вода преку храната. Ако изедете околу 80 грама краставица, тоа е исто како да сте испиле околу еден децилитар вода, само подобро. Освен тоа што се богати со вода, овошјето, зеленчукот и уште некои важни намирници содржат и хранливи материи кои можат да го подобрат здравјето. Додајте ги следните намирници во редовната исхрана и количината на вода и променете го ритамот со вкусот.

Вода + електролити = праски, дињи и јагоди

Ова овошје е богато со калиум и вода. Како што електролитите се губат со потење, а калиумот и натриумот заедно работат на одржување на нивото на течност во организмот, така внесувањето на овие елементи ќе помогне во регулацијата на вашиот пулс и циркулацијата. Количината доволна да задоволи 5-10% на вашите дневни потреби за калиум се наоѓа токму во овие овошја.

Предлог-рецепт: Пробајте студена супа од праска, диња и јагода. Изблендирајте го овошјето заедно со сок од кајсија, сок од зелен лимон и морска сол.

Вода + витамин Ц = лубеница, киви и лимон

Витаминот Ц помага во одржувањето на флексибилноста на колената и на ’рскавицата, а ова овошје обезбедува најмалку третина од дневните потреби на една порција. Исто така, витаминот Ц учествува и во заштитата на нашата кожа, како и во заштитата од штетното влијание од загаденоста на воздухот и потта.

Предлог-рецепт: Направете салата од киви, зелје, авокадо, ф‘стаци и лук. Или можете да споите лубеница со фета-сирење и нане.

Вода + заздравување = ананас и цреши

Ананасот и црешите можат да ви бидат од помош при заздравувањето по тренинг. Ензимот „бромелаин“, кој се наоѓа во ананасот, може да го намали воспалението и брзо да ги заздрави мускулите. Додека, пак, црешите содржат аноцијанис и мелатонин, кои спречуваат воспаленија.

Предлог-рецепт: Направете раженче од ананас со пилешко месо, премачкајте го со соја-сос и испечете го на скара.

Вода + имунитет = јогурт и кефир

Студиите покажале дека храната богата со пробиотици штити од проблеми со респираторниот систем, кој може да го загрози вашето трчање. За сите што не знаат, пробиотиците се здрава бактерија, а јогуртот содржи помеѓу еден и пет вида пробиотици. Кај кефирот бројот на видови е двапати поголем. Исто така, секоја чаша од овие пијалаци содржи и околу 10 грама протеини, па тоа е одлично за градење на имунитетот.

Предлог-рецепт: Изматете еднаква количина кефир и сируп од јавор и направете прелив за палачинки.

Вода + варење = грав

Една шолја сварен грав ќе ви обезбеди половина чаша вода, протеини колку две јајца и половина од вашите потреби за хранливи влакна. Влакната го држат нашиот систем за варење активен, помагаат во намалувањето на холестеролот и го контролираат апетитот.

Предлог-рецепт: Комбинирајте го гравот со целер, лук, маслиново масло и оцет. Додајте зачин и сол и добивате одлична салата.

Вода + превенција од канцер = домат и брокула

Доматот е богат со антиоксиданси, на пример, ликопен, кој е поврзан со намалувањето на ризикот од рак на белите дробови, стомакот, простатата, дојката, дебелото црево и грлото. Брокулата, пак, во својот состав има околу 90% вода, но содржи и соединенија кои се нарекуваат изотиоцинати. Новите студии покажале дека ги блокираат гените што се одговорни за клетките да станат канцерогени.

Предлог-рецепт: Ставете шери-домати на раженче додека малку да се испечат. Додајте моцарела сирење, оцет балсамико и свеж босилек. Испечете ги на купче брокулата и ренданиот ѓумбир, додајте сечено или измелено грозје и семки од сончоглед.