Одењето во парк е вообичаена рутина за родителите. Активностите на отворено им даваат можност на децата да се дружат, а истовремено да бидат на чист воздух. Овие заеднички искуства често се драгоцени моменти за целото семејство. Но, Инес Мартиновиќ, мајка, но и магистер по основно образование, едукатор по интегративна телесно ориентирана психотерапија, забележала една работа што родителите ја прават кога се со децата во парк, а не би смеело.

Таа зборувала за тоа на „Тик-ток“, каде што објавила видео за методот што многу родители го користат кога е време да го напуштат паркот.

-Гледам дека родителите, кога е време да си одат од паркот, а детето не сака затоа што е забавно, велат: „Во ред, тогаш јас ќе одам сам/а!“ Тоа функционира ако детето соработува и тргне. Но, со тоа само го плашиме детето дека ќе го оставиме само“, вели таа.

Инес вели дека не треба да останеме во парк додека детето сака или до недоглед да го молиме за одење дома. Но, таа кажува што би можеле да направат родителите наместо да користат празни закани.

„Пред да одите во парк, кажете му на вашето дете каков е планот. На пример, објаснете му дека ќе одите во парк накратко, а потоа ќе мора да одите дома на ручек. Кога ќе дојде време за одење дома, можете да му најавите дека за десет минути си одите“, советува таа.

Тврди дека е клучно да му соопштите на детето кога си заминувате, за тоа да може да се подготви за тоа. Таа, исто така, дава неколку совети во случај детето да каже дека не сака да оди.

@ines_martinovic Još nešto što nije stalo u video: Nakon uvažavanja emocija djetetu možeš ponuditi dva izbora, npr: "Želiš li da do kuće hodamo ili da skačemo kao žabe?" Možeš i osmisliti neku igru, samo je važno da ta igra ne bude distrakcija u emocijama nego da prije toga dozvoliš emociju. Poanta svega je da granice i uvažavanje emocija itekako mogu ići zajedno! 🙂 Svi moji priručnici i edukacije te uče upravo toj "zlatnoj sredini" koja je zapravo puno jednostavnija nego što se čini jednom kad je savladaš ✨ Naručiti ih možeš porukom u DM ili na web stranici www.inesmartinovic.com.hr #foryoupage #odgoj #roditeljstvo ♬ Inspiring Emotional Piano – Metrow Ar

„Прво, уважете ги неговите емоции и покажете разбирање, но одржувајте ја границата. Откако ќе ги уважите емоциите на детето, можете да му понудите два избора. На пример, можете да го прашате дали сака нормално да оди дома или да скока како жаба. Што значи можете да смислите некоја игра. Детето можеби ќе биде несреќно, но не треба да останете во паркот поради тоа. Во ред е сепак да го напуштите паркот и да го утешите детето ако е тоа потребно“, заклучила Инес.

Извор