Кога овој посветен татко од Орегон го револуционизира локалното игралиште во Портланд, тој само планирал да го приспособи за неговата ќерка Харпер, која цел живот е во инвалидска количка.

11 години подоцна неговите идеи ги направија игралиштата позабавни и подостапни за сите – без оглед на нивната попреченост.

Џеј Коди Голдберг бил инспириран да го редизајнира модерното игралиште откако првпат ја однел Харпер во 2009 година. Тој открил дека игралиштето е недостапно за неговата 4-годишна ќерка.

Откако слушнале за фрустрациите на Голдберг, градските паркови и одделот за рекреација изјавиле дека немаат пари за нови проекти, но би сакале да ја поддржат реконструкцијата доколку е приватно финансирана.

Токму затоа, семејството Голдберг ја лансира „Харперс плејграунд“, непрофитна организација посветена на отворање игралишта во САД со пристап за оние со хендикеп – по три години неуморно собирање средства, во ноември 2010 година беше отворен првиот парк.

Игралиштето располага со сè, од музички инструменти и опрема за игра со пристап за оние со инвалидска количка, до зелени социјални простори и поплочени рампи – кои ги користат скејтбордери и корисници на инвалидска количка. Игралиштето има три нивоа за забава на децата.

– Просторот треба да биде физички достапен, па ако некој користи инвалидска количка, треба да може да пристапи секаде. Третото ниво се нарекува емоционално привлечно ниво, со што тука е употребена уметноста, добрите дизајнерски линии, музиката и сите оние работи што им овозможуваат на децата подобра емотивна состојба – вели Голдберг.

Од лансирањето на паркот во Портланд оваа непрофитна организација инспирира изградба на неколку други слични игралишта низ САД.

Извор