Најновата сказна од „Светот на Биби“ – „Меѓупланетарна брканица“ од викендов е достапна на edukacija.svetotnabibi.mk! Сè што треба да направите е да се најавите или да се регистрирате на платформата. На edukacija.svetotnabibi.mk корисниците имаат пристап до премиерните изданија на сите содржини со Биби, Боби и омилените ликови на децата. Дополнително, на платформата се објавуваат и едукативни видеа и активности за учење за децата и родителите.

Во најновата сказна Биби и Боби се наоѓаат на непозната планета. На оваа планета има три сонца и многу е жешко. Р1 со неговиот портал ги донел таму, од некоја причина. Тие талкаат низ пустината барајќи некого, по долгото одење наоѓаат три грмушки… Но, тоа воопшто не се грмушки. Зад розовите „гранки“ се кријат лути вонземјани на кои воопшто не им се допаѓа оваа „инвазија“. Тие бегаат низ порталот на Р1 и одат на една сосема различна, ледена планета. Бегаат оттаму и конечно стигнуваат на планетата Заз! Зошто се случува оваа „Меѓупланетарна брканица“? Дознајте во најновата сказна на edukacija.svetotnabibi.mk.