Никој не може да донесе толку радост во животот на родителот како неговото дете, но никој друг не може така лесно да го извади од такт. Родителите понекогаш може да се чувствуваат виновни затоа што ја губат контролата и стануваат фрустрирани откако ќе им викаат на своите деца. Тие би сакале да го повлечат својот испад бидејќи не замислувале дека така ќе комуницираат или дека ќе им дадат лош пример на децата.

Иако е разбирливо да го повишите тонот одвреме-навреме, Националниот институт за здравје тврди дека тоа може придонесе децата да станат поагресивни со текот на времето.

Ова не е единствениот проблем бидејќи децата ќе се навикнат на честото викање и ќе почнат помалку да обрнуваат внимание на предупредувањата од родителите. Иако родителите можеби мислат дека ја постигнуваат својата цел со тоа што зборуваат погласно, децата стануваат сѐ поимуни на забелешки. Со текот на времето заклучуваат дека викањето е дел од нормалната животна рутина и дека така треба да се изразува гневот.

Обрнете внимание на тоа за што им викате

Институтот за семејни студии препорачува да се направи табела за викање. На тој начин родителите би можеле точно да знаат зошто викаат и каков е исходот од покачениот глас. Табелата ќе им помогне на родителите да видат колку често викаат за вообичаеното однесување. Препознавањето на доследното викање ќе им помогне на родителите да допрат до своите деца и да најдат други начини да комуницираат со нив, што на крајот ќе доведе до посреќна и порелаксирана атмосфера низ семејството.

Откријте што ве поттикнува да викате

Предизвикувачите обично се некои настани од минатото. Ако, од друга страна, родителите станат свесни за нивните предизвикувачи, можат да работат на тоа да не дозволат овие негативни чувства да ги совладаат.

Родителите можат да ги препознаат нивните предизвикувачи ако се однесуваат кон детето со сочувство. Тоа значи дека без разлика на однесувањето кое вообичаено предизвикува лутина или фрустрација и на крајот викање, тие се обидуваат да откријат зошто децата се однесуваат на одреден начин, што ќе им помогне да ја смират ситуацијата.

Кога ситуацијата конечно ќе се смири, предизвикувачот повеќе не е присутен, а желбата за викање ќе исчезне.

Идентификувајте кои однесувања се нормални за возраста на детето

Во односот родител-дете често се присутни нереални очекувања, а тоа може да биде извор на голема фрустрација, што исто така може да доведе до непотребни покачени тонови во комуникацијата и родителството.

Направете пауза

Ако сè друго не успее, одвојувањето време од ситуацијата може да им помогне на родителите да ги решат својот гнев и фрустрацијата што ги чувствуваат кон своите деца и да дозволат тие чувства да исчезнат.

Извор