Долгорочните ефекти од емоционалното занемарување во детството можат да влијаат врз способноста на лицето да формира и да одржува емоционални врски. Способноста за лекување често започнува со препознавање на изворот на проблемот.

Истражувањата покажуваат дека занемарувањето во детството може да биде поврзано со повисоки нивоа на анксиозен стил на приврзаност во зрелоста, што значи дека поединците може да доживеат вознемиреност во врска со врските и страв од напуштање. Идентификувањето на знаците што можеби сме ги развиле како емоционални блокади од неповолно детство може да ни овозможи да откриеме како да се лекуваме и да се приспособиме на поквалитетен и поздрав живот.

Еве четири тивки знаци на занемарување во детството што се појавуваат во зрелоста, според експертите:

Сте развиле несигурен стил на приврзаност

Еден показател дека сте страдале од емоционално занемарување во детството е несигурен стил на приврзаност, каде што или го избегнувате или се одвраќате од партнерот во емоционални моменти или, пак, претерано барате и сте многу приврзани за партнерот. Емоционалното занемарување во детството е очигледно кај возрасна личност што е надвор од опсегот на нормалното и спаѓа во категоријата на нарушување на личноста. Ако сте биле занемарени како дете, може да бидете поплашливи, недоверливи и претерано да реагирате, вели д-р Рета Феј Вокер, терапевт за врски.

Потребна ви е хипернезависност

-Честопати, кога страдаме од емоционално занемарување во детството, учиме да се потпираме исклучиво на себе и имаме недостиг на доверба кога станува збор за зависност од другите – истакнува д-р Мики Андерсон.

Имате тешкотии со границите и довербата

-Добар индикатор е кога имате проблеми со приврзаност во возрасните врски. Некои класични заштитни знаци на рано емоционално занемарување кај возрасните се лоши граници на врските, значителни проблеми со довербата што им штетат на врските и страв од напуштање, што се спротивставува или ја блокира емоционалната приврзаност кон партнерите – тврди д-р Глорија Браме, терапевт.

Емоционално сте недостапни

Некои вообичаени знаци дека некој претрпел некаков вид емоционално занемарување е недостигот на самодоверба или самопочит, барање емоционална поддршка или љубов од емоционално недостапни луѓе, без разлика дали се тоа пријателства или романтични партнерства. Чувството дека не сте доволни ве тера да се криете и да не се цените себеси, или вашите вродени дарови и таленти. Преголемо давање и задоволување на луѓето за да се обидете да ги „освоите“ љубовта и ценењето од нив се уште еден знак – вели Мишел Молитор, тренер и хипнотерапевт.

Луѓето што се борат со ефектите од емоционалното занемарување во детството, исто така, имаат многу силни страни кои честопати се поврзуваат со горенаведените пречки. Независноста не е ужасна бидејќи ни дава способност за решавање на проблемите што ги носиме низ животот.

Автор: Вил Куртис

Извор