Децата не секогаш ги ценат добрите родители. Мораме да го кажеме тоа бидејќи е вистина. Можеме да бидеме одлични родители, но тие не секогаш ќе го препознаат тоа. Нема да ни го признаат можеби додека самите не станат родители. Дотогаш, мора да претпоставуваме и да веруваме дека правиме сè како што треба.

Семејниот психотерапевт Мелани Мекграт споделува пет работи што ги прават родителите, а кои можат да откријат дека сме на вистинскиот пат кога станува збор за родителството. Еве 5 едноставни навики што ги издвојува како навики на природно одлични родители:

Тие се забавуваат и играат

Играта е најважна работа за децата. За бебињата, тоа е ползењето, за малите деца, играњето со коцки, а подоцна можеби цртањето. Секој родител може да си игра со своето дете, да се движи. Но, не го правиме тоа сите многу често, ниту со ист ентузијазам. Истражувањата одамна покажале дека забавата и шегувањето заедно со децата го подобруваат нашето расположение, нè зајакнуваат и ги вежбаат деловите од нашиот мозок што нè прават креативни. И покрај тоа – нашите најсреќни спомени од детството се оние исполнети со забава, радост и смеа.

Ги признаваат тешките делови

Доброто родителство бара одредена жртва. Без разлика дали го сфаќаме тоа или не, сите ние „не ги трпиме“ нашите деца понекогаш. Тие едноставно зборуваат премногу, понекогаш ни е тешко затоа што притисокот е постојан… Кога признаваме и прифаќаме дека повремените негативни чувства за родителството се нормални и не се знак на неуспех, ние сме во состојба здраво да ги обработиме овие емоции наместо да им дозволиме да се развијат во огорченост.

Тие знаат дека децата се недовршени уметнички дела

-Секој очекува детето да биде успешен завршен производ. Малкумина се свесни дека детето, или дури и родителот или бабата и дедото, е работа во тек… Не сме свесни дека детето го открива својот уникатен потенцијал и се стреми да го исполни. Сè стана натпревар, што прави детето да се чувствува осамено – вели современиот психоаналитичар Томас Линау.
Многумина веруваат дека единствено доброто дете е успешно дете. Сепак, границите се важни – во секој поглед. Познавањето граници, поставувањето граници, почитувањето на границите…Границите нè смируваат, ја намалуваат анксиозноста. Ова е уште една карактеристика на одличното родителство.

Се грижат добро за себе

Можеме да го правиме за другите само она што можеме да го правиме за себе. Родителите честопати се чувствуваат виновни што одвојуваат време за себе. Понекогаш другите нè осудуваат за тоа. Но, колку почесто и подобро се грижиме за себе, толку сме поподготвени да го дадеме она што се бара од нас како родители. Покрај тоа, ние сме модели на улоги за нашите деца за тоа како да бидат здрави. Кога родителите се грижат за себе, тие не само што ги намалуваат здравствените ризици поврзани со стресот, туку и се пример за здраво однесување.

Учат од своите грешки

Сите ние често правиме грешки. Грешките се една од нашите најдобри алатки за учење. Кога правиме грешки со нашите деца и учиме како да ги исправиме тие грешки, ги правиме нашите деца подобри. На овој начин им испраќаме порака на нашите деца – кога доживуваме болка, тогаш можеме да учиме од нашите грешки и да ги исправиме работите. Ова е исклучително корисно и лековито.

Извор