Рутинскиот ултразвук во текот на вториот триместар може да идентификува рани знаци на нарушување од спектарот на аутизам (ASD), според новата студија од Универзитетот „Бен-Гурион“ во медицинскиот центар Негев и Сорока во Израел.

Истражувачите од Националниот центар за истражување на аутизмот и невроразвојот на Универзитетот „Азриели“ ги разгледале податоците од стотиците ултразвучни анатомски скенирања.

Показатели може да бидат неправилностите на поединечните органи

Пренаталните прегледи, кои вообичаено се одржуваат помеѓу 18. и 22. недела, можат да го откријат полот на бебето, како и развојот на мозокот, лицето, срцето, ‘рбетот и другите важни органи. Истражувачите откриле дека имало абнормалности во срцето, бубрезите и главата кај 30 отсто од фетусите кои подоцна развиле АSD, се вели во соопштението на Универзитетот. Тоа било трипати повисоко од нормалниот развој на фетусот кај општата популација.

– Лекарите можат да ги искористат овие знаци, забележани при рутински ултразвук, за да ја проценат веројатноста детето да се роди со ASD – вели професорот Идан Менаше, кој ја водел студијата.

Сепак, потребни се поконкретни податоци за „абнормалности кај фетуси кои подоцна се развиваат во деца со дијагноза на АSD“, се вели во резимето на студијата во списанието „Брејн“.

Аномалии и конечни дијагнози кај различен пол

– Аномалиите почесто беа откриени кај девојчињата отколку кај момчињата, а сериозноста на аномалиите беше исто така поврзана со подоцнежната сериозност на АSD – се вели во студијата. Ова вреди да се забележи бидејќи АSD обично се дијагностицира многу почесто кај момчињата отколку кај девојчињата.

Центарот за контрола и превенција на болести (ЦДЦ) проценил дека момчињата имаат четирипати поголема веројатност да бидат идентификувани со АSD отколку девојчињата.

Метаанализа на 54 студии покажала дека односот е речиси 3:1.

– Се чини дека постои дијагностичка полова пристрасност, што значи дека девојчињата кои ги исполнуваат критериумите за АSD се изложени на непропорционален ризик да не добијат клиничка дијагноза – се вели во истражувањето „Каков е односот меѓу мажите и жените со нарушување на спектарот на аутизам? Систематски преглед и метаанализа“.

Истражувањето има потенцијал да ја подобри дијагнозата за сите полови

ЦДЦ моментално забележува дека иако АSD понекогаш може да се открие на 18 месеци или порано, дијагнозата по две години е посигурна. Сепак, пренаталната дијагноза може значително да ги подобри резултатите.

Претходно истражување на Центарот покажа дека раната дијагноза и третман ги зголемиле социјалните способности на оние што имаат аутизам за три пати.

Извор