Грицкањето нокти е грда навика која ја практикуваат дури 60 отсто од децата и 21 отсто од возрасните. Освен што не е убаво да се види некој како ги гризе ноктите, тоа може да доведе и до многубројни здравствени проблеми. Еден научник неодамна го покажал ова со видео споделено на „Тик-ток“.

Откако зел примерок од нечистотија од неколку нокти, научникот го ставил под микроскоп и го покажал она што не можеме да го видиме со голо око. Под ноктите имало милиони бактерии и микроорганизми кои можат да предизвикаат сериозни инфекции.

„Вашите нокти собираат многу бактерии и други нечистотии кои се пренесуваат во устата, а потоа во стомакот. Ова може да резултира со орални и гастроинтестинални инфекции”, велат експертите.

На пример, ноктите често содржат патогени бактерии, кои можат да предизвикаат сериозни стомачни инфекции, како што е салмонела. Постојаното гризење предизвикува рани околу ноктите, што го прави ноктот послаб. Како резултат на тоа, подлогата на ноктите е изложена на бактерии кои можат да го инфицираат мекото ткиво и да доведат до оток, црвенило, па дури и гноење.

@microscope666 How much dirty of nail😲😲😲😲😲😲😲😲😲#nail #dirty #finger #human #body #virus #nature #microscope #microscope666 #foryou #fyp #tiktok #tiktoker #challenge #scientist #science #zoom #clean @oneminmicro @mir_glazami_microscopa @brunabarbieoficial ♬ original sound – Little Little World

Покрај сето тоа, постојаното грицкање нокти не е добро ниту за забите. Со текот на времето може да се забележи неправилна положба на забите или забна оклузија.

Совети како да го спречите грицкањето на ноктите

Колку и да е вообичаено грицкањето нокти, има неколку работи што родителите можат да ги пробаат за да ги спречат нивните деца да го прават тоа. Прво, треба редовно да се сечат ноктите на децата. Постојат и горчливи лакови за нокти, кои можат да ги натераат децата да размислат пред да ги стават прстите в уста.

Извор