Секој родител во денешно време мора да донесе одлука поврзана со мобилниот телефон. Мобилните телефони се едноставно неизбежен дел од денешниот живот и во одреден момент сите ги имаме. Меѓутоа, ако можеме барем малку да го одложиме давањето мобилни телефони на нашите деца, подобро е да го сториме тоа. Дали тоа ќе биде на 8, 10 или 12 години? Останува на нас да одлучиме.

И тоа не е секогаш еднакво тешко. Некои деца инсистираат дека навистина сакаат мобилен телефон, па некои родители се откажуваат од своите верувања и им даваат таков уред. Понекогаш се испоставува дека е прерано бидејќи не сите деца можат да се контролираат и внимателно да следат на каква содржина се изложени.

Една од мајките што не се откажуваат од своите верувања е актерката Дру Баримор. За време на снимањето во своето студио таа со публиката ги споделила чувствата за оваа важна тема и признала дека се мачи – бидејќи нејзините ќерки Олив (11) и Френки (10) сакаат мобилни телефони, а таа е против тоа. Се разбира, тие две ѝ се лутат.

-Многу родители им даваат телефони на своите деца на многу рана возраст, а тоа е едноставно пристап до сè. Навистина е тешко. Тоа навистина ме погодува – рекла Дру.

Но, таа открила и дека не планира да се откаже:

-Нема да се откажам, нема да се откажам. Сè уште не сум им дала телефони на моите деца.

Во тој момент од публиката избувнал аплауз на поддршка. Иако е сигурна во својот избор и не го доведува во прашање, Дру отворено размислува за внатрешната борба на родителите која се јавува додека нашите деца стануваат сѐ понезависни.

-Неверојатно е што толку многу сакав моите деца да ме сакаат мене и да ја сакаат својата околина и да се чувствуваат безбедно… Никој од нас не сака нашите деца да ни замерат и да ни се лутат. И ние не сакаме да бидеме нивни непријатели. Тежок е изборот да се каже: „Не ми е гајле дали ме мразиш поради ова. Не ми е гајле дали ми се лутиш поради ова. Знам дека ја правам вистинската работа со тебе и го прифаќам твојот гнев“.

Дру објективно признала дека знае оти ниту еден родител не сака неговото дете да му се налути.

-Тоа не е добро чувство. Но, знам дека тоа е најдоброто за нив и морам да се држам до истото – одлучно рекла Дру.

Сепак, тоа што е толку цврста во својата одлука не значи дека не ѝ е тешко и дека тоа го прави без многу размислување. Секој ден, вели, мора да најде храброст да не попушти и да сочувствува со сите што минуваат низ истото. Сепак, многу дипломатски, таа не ги заборавила и оние родители што сепак им даваат телефони на своите деца.

@thedrewbarrymoreshow @Drew Barrymore on the challenge of parenting kids who want cellphones 🤳 #parents #parentsoftiktok #parenting ♬ original sound – thedrewbarrymoreshow

-Инаку, ако сте им дале телефони на вашите деца, не грешите. Нема правилно и погрешно. Едноставно е тешко да се движите низ процесот на родителството.

-Ако вашето дете никогаш не ви се налути, тогаш не ја вршите добро работата – напишал еден родител.

Автор: Наташа Крстичевиќ

Извор