Бременоста е чувствителна фаза во животот на жените. Да се носи нов живот во себе, значи дека мора да бидете повнимателни од кога било. Што и да направите, може да влијае врз вашето и врз здравјето на вашето бебе, па не сакате да направите некаква несериозна грешка која може да се покаже како опасна. Затоа мора да ги земете предвид и активностите што секојдневно ги извршувате.

Преместување мебел или носење тешки предмети

По првото тримесечје треба да се избегнува каква било задача што вклучува кревање тешки предмети или поместување тежок предмет. Завршувањето на овие работи може да го зголеми ризикот од повреди. Тоа се случува бидејќи ткивата во зглобовите и дното на карлицата се олабавуваат поради хормоналните промени што се случуваат во текот на бременоста, правејќи ве склони на повреди.

Работи што подразбираат предолго стоење

Треба да се избегнува секоја задача поради која мора долго да стоите. На тоа особено е важно да се придржувате во утринските часови кога повеќето жени патат од утринска мачнина. Долгото стоење може да го зголеми притисокот на вашите нозе, што би довело до отоци и болки во грбот. Исто така, ако ви треба повеќе време да поминете во готвење, направете паузи и не стојте толку долго.

Избегнување да се превиткувате

Бришење, перење облека, чистење под и други работи што бараат превиткување не се препорачуваат во текот на бременоста. Зголемувањето на телесната тежина во бременоста може да предизвика маргинално поместување во тежиштето на телото, а превиткувањето може да биде ризично за појава на проблеми со ишијас. Па така, ако при изведување на која било задача се чувствувате непријатно, веднаш прекинете ја.

Избегнувајте задачи што вклучуваат качување

Во текот на бременоста качувањето на стол или на скала може да биде лоша идеја. Дополнителната тежина може да влијае врз вашата координација и може да ве исфрли од рамнотежа. Тоа би можело да му наштети на детето, што на крајот може да доведе до предвремени трудови болки.

Користење хемиски производи за чистење или пестициди

Студиите посочуваат дека пренаталната изложеност на пиперонил бутоксид, хемикалија што се наоѓа во инсектициди, може да му наштети на развојот на феталниот мозок. За да избегнете такви компликации поврзани со бременоста, избегнувајте инсектициди и производи за чистење.

Извор