Ако вашето мало дете има опсесија со диносауруси и го знае секој можен детал за тираносаурус рекс – опуштете се и уживајте! Најновите научни истражувања носат феноменални вести за вас.

Малите вљубеници во диносауруси обично се натпросечно интелигентни, со поголем распон на внимание, подобри јазични вештини и напредна способност за обработка на информации. Накратко, три одделни студии покажаа дека овие деца подоцна стануваат многу подобри и поуспешни ученици.

Што вели науката за „интензивните интереси“?

Според студијата објавена во списанието Развојни истражувања, околу една третина од малите деца во некој период од раниот развој развиваат „интензивен интерес“ за одредена тема. Опсесијата со праисториските суштества е убедливо најпопуларна.

Иако сè уште не е точно познато зошто се јавува овој силен интерес, факт е дека децата на возраст од две до шест години можат да набројат многу повеќе видови диносауруси од нивните родители.

Детските психотерапевти објаснуваат дека ова е чист доказ како децата можат да учат и да стекнуваат сериозни вештини без воопшто да бидат свесни за тоа. Поставувањето прашања, барањето одговори и меморирањето комплицирани имиња го развиваат мозокот и градат моќна база за идното образование.

Чувство на авторитет и самодоверба

Голема улога во оваа опсесија игра и детската желба да покажат дека знаат повеќе од возрасните.

Палеонтолозите истакнуваат дека ако родителот знае да наброи само три или четири вида диносауруси, а детето знае дури 20, кај него автоматски се развива силно чувство на авторитет, независност и самодоверба. Тоа го прави да се чувствува гордо и способно.

Истражувањата покажуваат дека ваквиот интензивен интерес за една конкретна тема кај децата обично трае помеѓу шест месеци и три години (најчесто опаѓа со тргнувањето на училиште). Меѓутоа, начинот на размислување и капацитетот за учење што детето ги развило низ оваа „операција диносауруси“ остануваат трајни и го следат во текот на целиот живот.

Извор