Сите родители и матични лекари кои од утре ќе имаат итна потреба децата со температура да ги донесат во болница, тоа да го сторат во Институтот за белодробни заболувања „Козле“, информираат од Клиника за детски болести.
Исто така, ако има деца кои живеат во регионот кој сега е ставен под режим за движење (дебарско), за преглед да се упатуваат кон Институтот, со предходна најава.

– Ова е одлука на Комисијата за заразни болести и на министерот за здравство Венко Филипче, со цел да се заштитат децата кои се хоспитализирани на Клиниката за детски болести. Институтот „Козле“ има капацитет да ги згрижи децата со температура, суспектни на коронавирус и децата кои доаѓаат дебарскиот регион – стои во информацијата од клиниката.

Хоспитализираните пациенти кои сега се во „Козле“ во текот на денешниот и утрешниот ден ќе бидат префрлени на лекување на Клиниката за детски болести.