Децата што поседуваат книги имаат шестпати поголема веројатност да читаат над очекуваното ниво за нивната возраст.

Повеќе од 380.000 деца во Британија немаат своја книга, покажува анализата на добротворната организација на Националниот фонд за литература, што може да влијае врз нивните вештини за читање, уживање и благосостојба.

Истражувањето спроведено на повеќе од 56.000 деца открива дека 22 отсто од децата што поседуваат книги читаат над очекуваното ниво, наспроти само 3,6 отсто од учениците што немаат книга. Повеќе од половина (56,2 отсто) од младите луѓе што имаат книги уживаат во читањето во споредба со помалку од една петтина (18,4 отсто) од оние што не читаат, според истражувањето на ученици на возраст од 9 до 18 години. Наодите доаѓаат откако стотици библиотеки низ целата земја се принудени да затворат и покрај намалувањето на нивните трошоци.

Многу деца испуштаат шанса да го постигнат својот целосен потенцијал едноставно затоа што дома немаат книга.

Севкупно, 6,3 отсто од децата што биле анкетирани велат дека немаат книга, а според организацијата, тоа се 383.774 деца низ Велика Британија.