За многу животни што живеат на улиците или имале бездушни сопственици кои не сакале да се грижат за нив, носењето во засолниште за животни е дефинитивно подобрување. Сепак, на оние што не ги посвојуваат за брзо време животот во засолништето знае да им биде прилично осамен.

Овие животни честопати се исплашени и ја изгубиле довербата во луѓето поради нивното несреќно минато и, за жал, ова ги намалува шансите да најдат среќен дом.

За да го решат проблемот и да ги подобрат шансите на животните да најдат нови сопственици кои ќе се грижат за нив, „Хумен сосајети“ – организација од Мисури – почнала нови проект – Програма за читање на пријателите од засолништата, што вклучува деца на возраст од 6 до 15 години.

– Програмата ја почнавме поради две причини. Кучињата во засолништата покажуваат знаци на анксиозност и знаци на стрес, така што сакавме да ги смириме. Имаме многу деца во областа што сакаа да се вклучат и да се ангажираат околу нив, па постојано прашуваа како да им помогнат.

Така се родила идејата децата да поминуваат време со кучињата и да им читаат. Не само што ова им помага на кучињата да ги подобрат нивните социјални вештини и полека да научат повторно да им веруваат на луѓето, туку е корисно и за децата. Програмата почнала пред две години, а резултатите се неверојатни.

Извор